ع.مۇسىرەپوۆ اتىنداعى بالالار مەن جاسوسپىرىمدەر تەاترىن 4 جىل بويى باسقارعان ءسابيت ءابدىحالىقوۆ جاڭا قىزمەتكە تاعايىندالدى. 2018 جىلدىڭ 27 جەلتوقسانىندا استانا ۋاقىتىمەن ساعات 10.00-دە مۇحتار اۋەزوۆ اتىنداعى اكادەميالىق دراما تەاترىنىڭ ديرەكتورى بولىپ تاعايىندالدى. 

بۇل تۋرالى Qamshy.kz اقپارات اگەنتتىگىنە اۋەزوۆ اتىنداعى اكادەميالىق دراما تەاترىنىڭ باسپا ءسوز حاتشىسى راستادى.

ءسابيت ءابدىحالىقوۆ 1992 جىلى قازاق مەملەكەتتىك تەاتر جانە كينو ينستيتۋتىنا “دراما جانە كينواكتەر” ماماندىعىنا ءتۇسىپ، كاسىبي دەڭگەيدەگى اكتەر ماماندىعىن يگەرگەن.

كىشكەنتايىنان “تاماشانى” كورىپ وسكەن ول وقۋ بىتىرگەن سوڭ “باۋىرجان شوۋعا” بارادى. “تاماشادا” دا، “باۋىرجان شوۋدا” دا ونەر كورسەتىپ، كەيىن 2003 جىلى جاناتبەك بايتەكوۆ ەكەۋى “مافيا مەن تاقيا” تەاترىن اشتى.

كوپشىلىك اكتەر رەتىندە عانا تانيتىن ءسابيت ءابدىحالىقوۆ 25-كە جۋىق ساحنالىق قويىلىم – ساتيرالاردىڭ اۆتورى. 

كينو سالاسىنداعى ءبىلىمىن امەريكاعا بارىپ جەتىلدىرىپ كەلگەن اكتەر “قانتالاپاي”، “ليۋبوۆ ۆ كرەديت”، “ءبىزدىڭ اۋىل ۆوو” سياقتى كينولاردى تۇسىرگەن.

ع.مۇسىرەپوۆ اتىنداعى بالالار مەن جاسوسپىرىمدەر تەاترىنىڭ رەسمي پاراقشاسى اكتەردىڭ ەڭبەك جولىنا قىسقاشا توقتالىپ ءوتتى.

"ءسابيت ءابدىمۇتالى ۇلىنىڭ تىكەلەي قولداۋىمەن تەاتر ارتىستەرىنىڭ ىزدەنىسىنە، شىعارماشىلىقتارىنا ەركىندىك بەرىلىپ، سونىڭ ناتيجەسىندە – ە.امانشايەۆتىڭ «ۇزىلگەن بەسىك جىرى» شىعارماسىنىڭ جەلىسى بويىنشا ساحنالانعان «ول» مونوسپەكتاكلى (رەج. ە.كارىبايەۆ) ساحنالاندى. بۇل سپەكتاكلدىڭ ەرەكشەلىگى – قويىلىمنىڭ ساحنادا ەمەس، تەاتر فويەسىندە ءوتۋى. مونوسپەكتاكل – كورەرمەندەردىڭ سۇراۋىمەن بىرنەشە مارتە ساxنالانىپ، فەستيۆالدەردە "ۇزدىك" دەگەن نوميناسيالارعا يە بولدى.

قازىرگى قازاق تەاترلارى اراسىنان العاشقى بولىپ دالا تەاترىن جاڭعىرتىپ، «بازارىڭ تارقاماسىن» (اۆت.ب.ەسەنالييەۆ، رەج.ج.جۇمانباي) مۋزىكالىق دراماسىن اشىق اسپان استىندا كورەرمەن نازارىنا ۇسىنىپ، «ەكسپو – 2017» حالىقارالىق كورمەسىنە ارنايى مينيسترلىكتىڭ شاقىرتۋىمەن استانا قالاسىنداعى «ەتنواۋىل» ۇلتتىق مادەني كەشەنىندە رەسپۋبليكامىزدان جانە شەت مەملەكەتتەردەن كەلگەن قوناقتارىمىزعا كورسەتىلىپ، ءدۇيىم جۇرتشىلىقتىڭ كوڭىلىنەن شىقتى. 

2015 جىلدان باستاپ، جىل سايىن ءداستۇرلى تۇردە مادەنيەت جانە سپورت مينيسترلىگىنىڭ، مينيستر ارىستانبەك مۇحامەدي ۇلىنىڭ تىكەلەي قولداۋى جانە قاتىسۋىمەن، الماتى قالاسى ونەر وشاقتارىنىڭ اراسىندا دوستىق، ىنتىماقتاستىق قاتىناستى نىعايتۋ ماقساتىندا ءارتۇرلى سپورت تۇرلەرىنەن جارىس ۇيىمداستىرىپ كەلەدى. ن.ءا.نازاربايەۆتىڭ "لاتىن الىپبيىنە كوشۋ - قازاق ءتىلىن xالىقارالىق دارەجەگە شىعارۋ" ساياساتىن قولداۋ ماقساتىندا بالالاردىڭ لاتىن ءقارپىن تەز ءارى ۇتىمدى ۇيرەنۋلەرى ءۇشىن #العاشقى بولىپ ارنايى تاپسىرىسپەن "ارىپتەر الەمىنە" تانىمدىق ەرتەگىسىن ساxنالادى. جانە تەك الماتى ق.كورەرمەندەرى عانا ەمەس، وزگە وڭىرلەرىنىڭ ارنايى شاقىرتۋىمەن بىرنەشە قالاعا گاسترولدىك ساپار جاسادى"، - دەي كەلە تەاتر ۇجىمى تەاتر تاريxى ءۇشىن قاشان دا جاناشىر باسشى بولىپ ورىن الاتىن ءسابيت ءابدىمۇتالى ۇلىنىڭ الداعى ەڭبەك جولىنا شىعارماشىلىق تابىستار تىلەدى.