بۇگىن، قازاقستان رەسپۋبليكاسى مادەنيەت جانە سپورت ءمينيسترىنىڭ بۇيرىعىمەن، ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ ديرەكتورى قىزمەتىنە قازاقستاننىڭ ەڭبەك سىڭىرگەن قايراتكەرى، اكتەر، تەلەجۇرگىزۋشى، پروديۋسەر ازامات ساتىبالدى تاعايىندالدى. بۇل تۋرالى تەاتردىڭ رەسمي پاراقشاسى حابارلادى.

1977 ج. جامبىل وبلىسى ت.رىسقۇلوۆ اۋىلىندا دۇنيەگە كەلگەن.

2000 ج. ديپلومدىق جۇمىسىن قورعاۋعا قوستاناي وبلىستىق دراما تەاترىنا جىبەرىلىپ،

2001 ج. ديپلومىن الىپ، قازاقتىڭ مەملەكەتتىك م.اۋەزوۆ اتىنداعى اكادەميالىق دراما تەاترىنا جۇمىسقا ورنالاستى.

ساحناداعى نەگىزگى رولدەرى:

ۇلتتىق كلاسسيكا مەن زاماناۋي دراماتۋرگيادا: م.اۋەزوۆتىڭ «ابايىندا» ايدار، «قاراگوزىندە» نارشا (رەج. ب.اتابايەۆ)، «ەڭلىك-كەبەگىندە» كەبەك (رەج. ح.امىر-تەمىر)، «قيلى زامانىندا» حلىنوۆسكيي (رەج. ءا.راحيموۆ)، د.يسابەكوۆتىڭ «جاۋجۇرەگىندە» دولگونوسوۆ (رەج. ە. وبايەۆ)، ع.مۇسىرەپوۆتىڭ «ماحاببات داستانىندا» («قوزى كورپەش-بايان سۇلۋ») قوزى (رەج. ق.سۇگىربەكوۆ)، ر.مۇقانوۆانىڭ «ماڭگىلىك بالا بەينەسىندە» قۇمار (رەج. ب.اتابايەۆ)، ت.نۇرماعانبەتوۆتىڭ «ءقوجاناسىر ءتىرى ەكەنىندە» تۇرىكمەن (رەج. و.كەنەبايەۆ)، «ەسكى ۇيمەن قوشتاسۋىندا» دوسكەل (رەج. ە.وبايەۆ)، ءا. ءتارازيدىڭ «اقىن… پەرىشتە… ماحابباتىندا» مەدبرات (رەج. ءا.راحيموۆ)، ي.ساپاربايدىڭ «قىز مۇڭى» قويىلىمىندا عازيز (رەج. ە.وبايەۆ، ت.ارالباي)، ە.جۋاسبەكتىڭ «كۇلەمىز بە، جىلايمىز با؟» كومەدياسىندا كوليا (رەج. م.احمانوۆ)، ت.ابدىكوۆتىڭ «ارداگەرىندە» ۇلى (رەج. ە.وبايەۆ، ە.نۇرسۇلتان)، ر.وتاربايەۆتىڭ «سۇلتان بەيبارىسىندا» بەيبارىس (رەج. يۋ.ي.حانينگا-بەكنازار)، ج.ەرعالييەۆتىڭ «قاس قاعىم» دراماسىندا دارىگەر (رەج. ە.نۇرسۇلتان)، ي.عايىپتىڭ «قورقىتتىڭ كورىندە» قورقىت (رەج. ي.ۆايتكۋس)، قولعانات مۇراتتىڭ «باقىت كىلتى» دراماسىندا باۋىرجان (رەج. ە.وبايەۆ) ت.ب.

الەمدىك كلاسسيكا مەن زاماناۋي دراماتۋرگيادا: شەكسپيردىڭ «رومەو مەن دجۋلەتتاسىندا» تيبالت (اۋد. ءا.كەكىلبايەۆ، رەج. و.ساليموۆ)، «گاملەتىندە» گاملەت (رەج. يۋ.حانينگا-بەكنازار)، گ.گاۋپتماننىڭ «ىمىرتتاعى ماحابباتىندا» ەگمونت كلاۋزەن (رەج. ر.اندرياسيان)، ن.حيكمەتتىڭ «فارحاد-شىرىنىندا» فارحاد (رەج. ا.ءاشىموۆ)، م.بايدجييەۆتىڭ «قىلمىسىندا» ساعىن (رەج. و.اقجارقىن-سارسەنبەك) ت.ب.

تەاتردىڭ ءداستۇرلى «تەاتر كوكتەمى» فەستيۆالىنىڭ بىرنەشە مارتە جۇلدەگەرى.