2018 جىل قۋانتتى دا، جىلاتتى دا. سوندىقتان ەسكى جىلدى قورىتىندىلاپ، جاڭا جىلعا دا بولجام جاسايتىن ۋاقىت جەتتى. كوكەيىمىزدە الداعى جىل بيىلعىدان دا ولجالى بولادى دەگەن ۇزىلمەس  ءۇمىت بار. سونىمەن، كەلەر جىل قانداي بولادى؟  بۇل تۋرالى ەۋرازيا ءبىرىنشى ارناسى حابارلايدى.

الداعى جىلعا بولجامدى ءبىرىنشى ەسەپ-قيساپتان باستاپ كورەيىك. ساندار سيقىرىنا سەنسەك، 2019 جىلدىڭ باستى سانى «3»  بولعالى تۇر. ال نۋمەرولوگيادا ول ادەمىلىكتىڭ، شىعارماشىلىقتىڭ سيمۆولى-مىس. نۋمەرولوگ لۋيزا تىلەگەنوۆانىڭ ەسەپتەۋىنشە، كەلەر جىلدىڭ العاشقى ءۇش ايى قازاقستاندىقتارعا ءسال قيىنداۋ بولىپ كەلسە دە، قالعان ۋاقىتى وتە تابىستى بولماق.

«ونەر سالاسىنداعى ادامدارعا تابىستى جىل بولادى. ونەر ادامدارى - بيشىلەر، سۋرەتشىلەر، اقىندار، مەديسينا سالاسىنداعى جاندار قىزمەتتە جوعارىلاۋى ابدەن مۇمكىن. كۆاليفيكاسياسى جوعارىلاپ، كەلە جىل جاقسى - جىل بولىپ ەسەپتەلەدى» - دەيدى نۋمەرولوگ لۋيزا تىلەگەنوۆا.

بويداق قىز-جىگىتتەردىڭ قۇلاعىنا التىن سىرعا. وتباسىلى، ءۇيلى بولۋىڭىزعا دوڭىز جىلى  ۇلكەن سەپتىگىن تيگىزەدى، دەيدى نۋمەرولوگتار. قوسىمشا ءبىلىم الىپ، كوكجيەگىن كەڭەيتەمىن دەۋشىلەرگە دە جول اشىق. استرولوگ بوتاگوز نۇرعالي كەلەر جىلدىڭ ارتىقشىلىقتارى كوپ بولارىن راستاپ وتىر.

«دوڭىز جىلى يۋپيتەر مەن ساتۋرن  عالامدارىنا ءدال كەلىپ  تۇر. سوندىقتان 2019 مەرگەن، توقتى، ارىستاندارعا ءساتتى جىلداردىڭ ءبىرى بولماق.  سونداي-اق تەڭگە دە تۇراقتى بولاتىنىن ايتىپ وتكىم كەلەدى.  ال  تۋريزم قىزمەتكەرلەرىنە ، اسىرەسە ءبىلىم سالاسىنداعى مۇعالىمدەرگە  كەلەر جىل مول تابىس اكەلەدى» - دەيدى استرولوگ بوتاگوز نۇرعالي.  

بۇعان ءقازىر تالقىلانىپ جاتقان «ۇستاز مارتبەسى» تۋرالى زاڭ دا سەپتىگىن تيگىزەر. بۇل رەتتە  الەۋمەتتانۋشىلار قاراپايىم حالىقتىڭ دا تۇرمىسى وڭالاتىنىن العا تارتىپ وتىر. 

«حالىقتىڭ ءال-اۋقاتى جاقسارۋى ءتيىس. وعان بايلانىستى كوپتەگەن كوپتەگەن باعدارلامالار جۇزەگە اسىرىپ جاتىر. تىپتەن، قالاعا قولداۋ جاسالىپ، ءار ايماقتاعى قايتارىمسىز يگەرىلمەگەن قارجىنى جاستارعا قولداۋعا جىبەرىلەدى. وسى شارالار ءوز ناتيجەسىن بەرەدى دەپ ويلايمىن» - دەيدى الەۋمەتتانۋشى ەسىمبەك ارىنبەك.

ال حالىق  جاعدايىنىڭ جاقسارۋىنا  تەڭگەنىڭ ىقپالى زور ەكەنىن ءبارى بىلەدى.  ۆاليۋتامىز قانداي بولسا،  جۇرتتىڭ كۇن كورىسى دە سوعان قاراي  قۇبىلا بەرەدى. وسىعان قاتىستى ەكونوميستەر بىلاي دەيدى:

«بىزدە قازاقستاندا يندۋستريالدىڭ ەكىنشى بەسجىلدىعى باعدارلاماسى جۇزەگە اسىرىلىپ جاتىر. كەشە عانا تەلەكوپىر بولىپ 2018ء-دى جاقسى ناتيجەمەن ءبىز اياقتادىق. ال ەندى 2019 جىلدا دا بىرنەشە كاسىپورىندار، قايتا وڭدەۋشى كاسىپورىندار بىرنەشە جۇمىس ورىندارى اشىلادى. ياعني بۇل دەگەن ءسوز حالىقتىڭ الەۋمەتتىك-ەكونوميكالىق جاعدايىنىڭ جاقسارۋىنا اكەلىپ سوعادى» - دەيدى ەكونوميست عالىمجان كەلمە.

كەلەر دوڭىز جىلىنىڭ قانداي بولاتىنى ازەرگە بەلگىسىز. ونىڭ جاۋابىن ءبىز تەك 2020 جىلى عانا بىلە الامىز.  دەسە دە،  الەۋمەتتانۋشى مەن استرولوگتاردىڭ، ەكونوميست پەن نۋمەرولوگتاردىڭ بولجامىنا قارماستان، حالىق  الدا تەك جارقىن كۇننىڭ بولارىنا عانا سەنەرى ءسوزسىز. ال بۇل سەنىم  بارلىعىن دا وزگەرتۋگە قاۋقارى جەتەدى.