سينوپتيكتەردىڭ بولجامىنشا، قاڭتاردا ورتاشا ايلىق اۋا تەمپەراتۋراسى رەسپۋبليكانىڭ وڭتۇستىك-باتىس، وڭتۇستىك جانە وڭتۇستىك-شىعىسىندا نورمادان 1 گرادۋستان جوعارى، ال قالعان ايماقتا كليماتتىق نورماعا جاقىن بولادى.  

«ءبىرىنشى دەكادانىڭ باسىندا رەسپۋبليكانىڭ سولتۇستىك، سولتۇستىك-شىعىس جانە ورتالىق ايماقتارى سۋىق انتيسيكلوننىڭ ىقپالىندا بولادى. تەرمومەتردىڭ سىناپ باعاناسى تۇندە 25...30، كەي جەرلەردە 35 گرادۋسقا دەيىن اياز، كۇندىز 15...20، كەي جەرلەردە 25 ايازعا دەيىن تومەندەيدى»، - دەيدى «قازگيدرومەت» وكىلدەرى. 

سونداي-اق، سينوپتيكتەردىڭ مالىمەتىنشە، ەلىمىزدىڭ باتىس، وڭتۇستىك-باتىس جانە وڭتۇستىگىنە جىلى اۋا ماسسالارى كەلىپ، جاۋىن-شاشىن تۇسەدى. اۋا تەمپەراتۋراسى: تۇندە 2...7، كەي جەرلەردە 12 گرادۋس  اياز، كۇندىز 5 گرادۋسقا جىلى، كەي جەرلەردە 5 گرادۋسقا دەيىن اياز بولادى.