اكتريسا شولپان ەلگەزەكوۆانى بۇگىن اقتىق ساپارعا شىعارىپ سالدى. بۇل جايىندا الەۋمەتتىك جەلى قولدانۋشىسى مۇرات يمانبەك Facebook جەلىسىندە جازدى. 

الەۋمەتتىك جەلى قولدانۋشىسى اكتريسا قازا تاپقان جول اپاتى جايىندا ايتا كەلىپ، وعان سەبەپكەر جۇرگىزۋشىگە ەڭ قاتال جازانى سۇراۋدا.

"اسسالاۋماعالەيكۋم، اردا اعايىن! تانىمال اكتريسا شولپان ەلگەزەكوۆا كولىك اپاتىنان قايتىس بولىپتى دەگەن وقىس حابار اشىق كۇندە توبەمىزدەن تۇسكەن نايزاعايداي اسەر ەتتى. جالما جان الەۋمەتتىك جەلىلەردى اقتارىپ قالاي بولعانىن اڭعارۋعا، ءتۇسىنىپ بىلۋگە تالپىندىق. بۇگىن ەرتەمەن ۇققانىمىز اپاتتى جاعدايعا سەبەپكەرگە قاتىستى ق ر قك 345 ستاتياسىنىڭ 3 تارماعى بويىنشا ءىس قوزعالىپتى (ابايسىزدا كولىك اپاتىن جاساپ ادام ولتىرگەنى ءۇشىن بار بولعانى 5 جىل). بۇگىن سول شولپان اكپەمىزدى اقىرعى ساپارعا شىعارىپ سالدىق. نەسىن ايتامىز، الدى استانادان، ارتى قىزىلجاردان كوڭىل ايتىپ كەلگەن حالىقتىڭ سانى قارا-قۇرىم. اۋىلىمىزدىڭ، اۋدانىمىزدىڭ ەل-جۇرتىنان بولەك، تەاتر ونەرىنىڭ مايتالماندارى، ەسترادا ساڭلاقتارى دا كوپ كەلىپتى. جۋرناليستەر دە ءبىرشاما. بىرشاماسىمەن اڭگىمە سۇحبات قۇردىق. تەاتر ساحناسىنان تەليەۆيزياداعى رولدەرگە اۋىسقانىنا ەكى ءۇش جىل وتكەنىنە قاراماستان، ەلدىڭ ەركەسىنە اينالعان ءبىزدىڭ اۋىلدىڭ قارا كوزى - شولپان اپكەمىزدىڭ الار اسۋى الدا ەدى. امال نەشىك، اجال ارامىزدان ەرتە اكەتتى، اللانىڭ امىرىمەن شىعار. زار يلەگەن انا مەن بالانىڭ داۋىسىن ەستىگەندە قۇيقام شىمىرلاپ، جىلاعاندارعا جاقىن تۇرۋعا ءداتىم بارمادى. دەگەنمەن ايتار ويىم باسقادا ەدى. اپاتتىق جاعدايعا كىنالى 85 جىلعى دۇڭعان ۇلتىنىڭ وكىلى ەكەن. ىشىمدىككە سىلقىيا تويىپ العان ازعىن 120 كيلومەتر جىلدامدىقپەن باعدارشامنىڭ قىزىلىنا وتكەن. ناتيجەسىندە ءۇش ادامدى اجال قۇشتىرىپ، ءتورتىنشىسىن اۋىر حالدە دالادا تاستاپ تايىپ تۇرعان. قالايشا اڭداۋسىزدا بولعان كولىك اپاتى؟ قالايشا 345 ستاتيانىڭ 3 تارماعى؟ ارينە ارتىنان تانىمال اكتريسالاردى جازىم قىلعانىن، وقيعانىڭ جاي عانا بىتپەيتىنىن ەستىپ بىلگەن تۋىستارى كەشىرىم سۇراپ اياققا جىعىلۋدى باستادى دەپ ەستىدىك. دەگەنمەن دە، سول بالا شاعاسىنىڭ كۇن كورىسى ءۇشىن تاكسيلىك قىلىپ جۇرگەن بەيشارا تاكسيستىڭ جانۇياسىن مۇندا دا ۇمىت قالدىرعان. سوندا قالاي، اقشاسى بارلار باسىنعانى ما؟ قاتە كەتتىڭ بە، كەشىرىم سۇرادىڭ با، الالاماي نەگە بارلىعىنىڭ الدىنان وتپەگەنسىڭ؟ ول بايقۇستىڭ سۇيەگىن الۋعا اقشا تاپپاي جانۇياسى ساندالىپ ءجۇر! بىلتىر تەن قايتىس بولعاندا ارتىنان قۋا جونەلگەن تەندى اڭداۋسىزدا پىشاق ۇرىپ ءولتىرىپ العاندا قوعام ءولىم جازاسىن سۇراپ ەدى (ول قانىپەزەرلەدى قولدامايمىن، زاڭعا سايكەس جازاسىن السىن)، قارا كوزدەرىڭدى، بايقۇس قايمانا قازاقتى ءولتىرىپ جاتقاندا قوعام ۇنسىزدىكپەن وتىر. وبالى نە كەرەك، قوعامىمىزعا تانىمال باۋىرلارىمىزدىڭ ارقاسىندا نازاردان تىس قالماس، دەگەنمەن اراققا سىلقىيا تويىپ الىپ، قالتاسىنداعى قارجىسىنا سەنىپ، قانىم قازاقتى ەركىن مەرتىكتىرگىشتەرگە قىجىلىم بار دەگەنىم از ايتقانىم بولار. وۋ، نەگە ابايسىزدا ادام باستى دەپ تەك بەس جىلعا بارادى؟ وندا دا كەشىرىممەن بوستاندىققا شىعىپ كەتەر مۇمكىندىگى بار عوي. ءۇش ادامدى ءولتىرىپ، اناسىز، اكەسىز قالعان حايۋانعا اتۋ جازاسى بەرىلسىن... زاڭ بويىنشا ەڭ قاتال جازاسىن السىن!" - دەپ جازادى جەلى قولدانۋشىسى.