قازاقتىڭ جىل ساناۋى 22 ناۋرىزدان باستالادى دەسەك تە. جىل سايىنعى 31 جەلتوقساندى مەرەكەلەۋ ۇردىسكە اينالىپ كەتكەن. كۇنى بۇگىن كەلىپ جەتكەن دوڭىز جىلىن حالىق ادەتتەگىدەي قۋانىشپەن قارسى الدى. وتباسىلىق داستارحان، مەرەكەلىك قۇتتىقتاۋلار مەن سىيلىقتار جانە ەڭ باستىسى – ساعات ءدال 00:00ء-دى كورسەتكەندە ەلباسى قازاقستان حالقىن قۇتتىقتادى.

وسىدان ەكى جىل بۇرىن سايتىمىزدا «جاڭا جىلدى ەلباسىمىز قازاعىمنىڭ قىمىزىمەن قۇتتىقتاسا ەكەن!» دەگەن ماقالا جارىق كورگەن بولاتىن. ءيا، بۇل تەك ءبىر عانا ادامنىڭ ەمەس، بارشا حالىقتىڭ تىلەگى بولدى.

الەم بويىنشا تويلاناتىن بۇل مەرەكەنى ەل بولىپ كۇتەمىز، وتباسىمىزبەن جينالىپ، جىلداعى ءداستۇر بويىنشا تەلەديداردىڭ الدىنا جينالىپ، ەلباسىنىڭ قۇتتىقتاۋىن تىڭدايمىز. الايدا، بيىلعى قۇتتىقتاۋ بۇرىنعىدان وزگەرەك بولدى. ەلباسىمىز جىلدا قولىنا ۇستاپ شىعاتىن اققاينار تولى بوكالى بيىل كورىنگەن جوق.

قىمىز ۇستاپ شىقپاسا دا، الكوگولسىز شىققان ەلباسىنىڭ بۇل ارەكەتىن الەۋمەتتىك جەلى قولدانۋشىلارى قۇپتاپ، كەلىپ جەتكەن دوڭىز جىلى جاقسى جاڭالىقتارعا تولى بولادى دەپ جورامالداپ وتىر.

بارلىقتارىڭىزدى جاڭا جىلدارىڭىزبەن قۇتتىقتاي وتىرا، ءبىز دە ەلىمىز امان، جۇرتىمىز تىنىش بولسىن دەپ تىلەيمىز!