قىزىلوردادا ءجاسوسپىرىم جاياۋ جۇرگىنشىنى قاعىپ ءولتىردى،- دەپ جازادى Qamshy.kz اقپارات اگەنتتىگى  Tengrinews.kz cايتىنىڭ دەرىگىن نەگىزگە الىپ. بۇل تۋرالى ق ر ءىىم ىشكى جانە سىرتقى كوممۋنيكاسيا دەپارتامەنتىنىڭ ديرەكتورى الماس سادۋبايەۆ مالىمدەدى. 

بەلگىلى بولعانداي، 2018 جىلى 28 جەلتوقساندا كامەلەت جاسىنا تولماعان بالا كولىكپەن جاياۋ جۇرگىنشىنى قاعىپ ولتىرگەن جول-كولىك وقيعاسى دەرەگىنە قاتىستى سوتقا دەيىنگى تەرگەۋ شارالارى باستالىپتى.

"اۆتوكولىك كىنالى ادامنىڭ اناسىنا تيەسىلى. سول كۇنى ول اتا-اناسىنىڭ رۇقساتىنسىز كولىكپەن قالاعا شىعىپ، جاياۋ جۇرگىنشىنى قاعىپ كەتكەن. وقيعا ورنىندا ول زارداپ شەككەن ادامدى كولىگىنە سالىپ، اۋرۋحاناعا جەتكىزگەن. الايدا ول 1 قاڭتاردا العان جاراقاتىنان اۋرۋحانادا قايتىس بولدى. ءجاسوسپىرىم ءوز كىناسىن تولىقتاي مويىندادى. قازىرگى ۋاقىتتا ول اناسىنىڭ قاراۋىنا بەرىلدى"،- دەلىنگەن مالىمدەمەدە.  سونىمەن قاتار، اۆتوكولىك يەسىنە قاتىستى سوتقا دەيىنگى تەرگەۋ شارالارى دا باستالىپ كەتكەن. تەرگەۋ شارالارىن ءىىم باقىلاۋعا الدى. 

"2018 جىلى 28 جەلتوقسان كۇنى قىزىلوردا قالاسىندا ورىن العان جكو دەرەگى بويىنشا كازاقستان رەسپۋبليكاسى قىلمىستىق كودەكسىنىڭ 345-بابىنىڭ 3-بولىگىمەن جانە 349-بابىنىڭ 3-بولىگىمەن سوتقا دەيىنگى تەرگەپ-تەكسەرۋ جۇمىستارى جۇرگىزىلۋدە. ءتيىستى ساراپتامالار تاعايىندالدى. وقيعانىڭ ءمان-جايلارى انىقتالۋدا. تەرگەۋ جۇمىستارى پوليسيا دەپارتامەنتى باسشىسىنىڭ جانە وبلىس پروكۋرورىنىڭ ەرەكشە باقىلاۋىندا"،-دەيدى ق ر ءىىم ىشكى جانە سىرتقى كوممۋنيكاسيا دەپارتامەنتىنىڭ ديرەكتورى الماس سادۋبايەۆ.