قاراعاندىداعى كىسى ولىمىنە قاتىستى 8 كۇدىكتى تۇتقىندالدى. بۇل تۋرالى ق ر ءىىم ىشكى جانە سىرتقى كوممۋنيكاسيالار دەپارتامەنتىنىڭ ديرەكتورى الماس سادۋبايەۆ مالىمدەدى، دەپ حابارلايدى Qamshy.kz اقپارات اگەنتتىگى.

قۇقىق قورعاۋ ورگاندارىنىڭ مالىمەتىنە سۇيەنسەك، بۇگىنگى كۇنى "قاراعاندىدا بۇزاقىلىق ارەكەت جاساپ، 23 جاستاعى جىگىتتى ءولتىردى" دەگەن كۇدىكپەن 8 ادام ۇستالىپ تۇتقىندالدى جانە كۇدىكتىلەردىڭ ءبىرى گۋرۋريانعا ىزدەۋ جاريالاندى.

"تەرگەۋ اياسىندا پوليسيا توبى ونىڭ بولۋى مۇمكىن اۋماعىنا اتتاندى. كۇدىكتىنىڭ ءوز ەركىمەن بەرىلۋگە دايىن ەكەندىگى تۋرالى مالىمدەمەسى الەۋمەتتىك جەلىلەرگە جاريالانۋىنا بايلانىستى وسىدان 2 كۇن بۇرىن ونىڭ تۋىستارىنا قىزمەتكەرلەرىمىزدىڭ بايلانىس دەرەكتەرى بەرىلدى. الايدا وسى كۇنگە دەيىن ەشكىم بايلانىسقا شىققان جوق»، - دەدى الماس سادۋبايەۆ.

دەپارتامەنت باسشىسى ەلىمىزدىڭ ىشكى ىستەر مينيسترلىگى ءىستىڭ وبەكتيۆتى ءارى جان-جاقتى تەرگەلەتىندىگىنە كەپىل بەرەتىندىگىن اتاپ وتەدى. 

سونىمەن قاتار، ازامات گۋرۋريانعا ءوز ەركىمەن پوليسيا قىزمەتكەرىنە بەرىلۋگە كەڭەس بەرەدى.

سادۋبايەۆتىڭ ايتۋىنشا، تەرگەۋ بارىسى قازاقستان رەسپۋبليكاسى ىشكى ىستەر مينيسترلىگىنىڭ ايرىقشا باقىلاۋىنا الىنعان.

ەسكە سالساق، 1 قاڭتار كۇنى قاراعاندىداعى «دريەۆنيي ريم» مەيرامحاناسىندا بولعان جانجال كەزىندە ءبىر جىگىت كوز جۇمدى. بيلىك اتالعان پروسەستىڭ وبەكتيۆتى جانە بارىنشا اشىق وتەتىنىن ايتقان.

6 قاڭتاردا قاراعاندى وبلىسىنىڭ اكىمى ەرلان قوشانوۆ توبەلەس سالدارىنان قازا تاپقان جىگىتتىڭ تۋىستارىمەن كەزدەسىپ، كىنالىنى جازالاۋعا ءسوز بەردى.

دۇيسەنبى، 7 قاڭتاردا ارمەنيانىڭ سىرتقى ىستەر ءمينيسترىنىڭ رەسمي سايتى ءسىم باسشىسىنىڭ ورىنباسارى شاۆارش كوچارياننىڭ پىكىرىن جاريالادى.