وتكەن دۇيسەنبى ياعني 7- قاڭتاردان باستاپ جاپونياعا ساپار شەگىپ، ۇشاق نەمەسە كەمە ارقىلى ساپارىن اياقتاپ، ءوز ەلىنە ورالعىسى كەلەتىن كەز كەلگەن تۋريستتەن ەندى جاڭا سالىق ءتۇرى الىنادى. بۇل ءتارتىپ كەز كەلگەن مەملەكەتتىڭ ازاماتىنا قاتىستى. بىلايشا ايتقاندا، جاپونياعا كىرۋ تەگىن، ال شىعۋ 1000 يەن (10 دوللاردىڭ كولەمىندەي).

جاپونيانىڭ قارجى مينيسترلىگىنىڭ مالىمدەمەسى مىنانداي: "تۋريزم ينفراقۇرىلىمىن بارىنشا نىعايتۋ، دامىتۋ جولىندا ەلىمىزدەن كەتەتىن ءار تۋريست مىڭ يەن تولەۋگە مىندەتتى».

سالىقتان تۇسكەن اقشا جاپونيانىڭ حالىقارالىق اەروپورتتارىنىڭ جۇمىسىن جەدەلدەتۋگە، جاقسارتۋعا جۇمسالادى ەكەن. انىعىن ايتقاندا، ادامنىڭ بەت-جۇزىنە قاراپ، ءاتى-جونىن اۆتوماتتى تۇردە انىقتايتىن جۇيە ىسكە قوسىلماق. سونىمەن قاتار، تۋريستەرگە جاسالاتىن جاعداي، بەرىلەتىن اقپاراتتىڭ دا ساپاسى ارتپاق.

7 قاڭتارعا دەيىن جاپونياعا بارىپ-قايتۋعا بيلەت ساتىپ العان ازاماتتار بۇل سالىقتان بوساتىلىپ وتىر.