انكارادا رەسەيدىڭ تۇركياداعى ەلشىسى اندرەي كارلوۆتىڭ ىسىنە قاتىستى سوت ءىسى باستالدى. بۇل جايىندا Qamshy.kz اقپارات اگەنتتىگى BBC سايتىنا سىلتەمە جاساپ حابارلايدى.

رەسەيدىڭ تۇركياداعى ەلشىسى اندرەي كارلوۆ 2016 جىلدىڭ جەلتوقسانىندا وققا ۇشىپ قازا تاپقان بولاتىن. تەرگەۋ ءىسىنىڭ قورىتىندىسى بويىنشا، بۇل ىستەگى 28 ايىپتالۋشىنىڭ ەلدە تىيىم سالىنعان FETO ۇيىمىنا قاتىسى بولعان ەكەن. تۇرىك بيلىگى "تەرروريستىك" دەپ تانىلعان ۇيىمنىڭ جەتەكشىسى فەتحۋللا گۇلەن اقش-تا تۇرادى.

♦ەلشىنى اتقاندى قاي اتاڭنان كوردىڭ، تۇرىك بالاسى!؟

ايتا كەتەيىك، 2016 جىلدىڭ 19 جەلتوقسانىندا انكارادا قازىرگى زامان ونەر ورتالىعىندا فوتوكورمەنىڭ اشىلۋ سالتاناتىندا رەسەي ەلشىسى  اتىپ ولتىرىلگەن بولاتىن. 22 جاستاعى ميەۆليۋت مەرت التىنشاش ەلشىگە بىرنەشە رەت وق اتىپ، «اللاحۋ اكبار! الەپپونى ۇمىتپاڭدار!» دەپ ايقاي سالعان.

سول كۇنى قاۋىپسىزدىك كۇشتەرى ەلشىگە وق اتقان التىنشاشتى دا اتىپ ولتىرگەن بولاتىن.

بەلگىلى بولعانداي، FETO ۇيىمىنىڭ وكىلدەرى التىنشاشقا سول جىلدىڭ جازىندا ەلشىنى ولتىرۋگە بۇيرىق بەرگەن. تۇرىك پروكۋراتۋراسىنىڭ مالىمدەمەسىنە سايكەس، التىنشاش اندرەي كارلوۆتى 2016 جىلدىڭ 27 ماۋسىمىندا تۇركياداعى بيلىك پارتياسى ۇيىمداستىرعان ەلشىلەردىڭ كەشكى اسىندا ولتىرۋگە تالپىنعان كورىنەدى.