ءۇندىستاننىڭ باتىس بەنگالي ايماعىندا برادحمان اۋدانىندا ەرەكشە جاراتىلىس يەسى تۋىلدى، دەپ حابارلايدى The sun باسىلىمى.
ءۇندىستاندا ءبىر كوزدى، مۇرنى جوق ەرەكشە بۇزاۋ تۋىلعان. جەرگىلىكتى تۇرعىندار بولسا ونى «قۇدايدىڭ سىيى» دەپ وعان تابىنىپ ءجۇر. تۇرعىندار بۇل بۇزاۋدى ساتتىلىك پەن جاقسىلىق الىپ كەلەدى دەپ سەنەدى.
بۇزاۋدىڭ ءبىر ۇلكەن كوزى بار، ال مۇرنى مۇلدە جوق. بەلگىلى بولعانىنداي، بۇزاۋ وتە سيرەك كەزدەسەتىن اۋرۋعا شالدىققان – سيكلوپيا. ادەتتە، مۇنداي دياگنوزبەن تۋىلعان جانۋارلار ءولى تۋىلادى نەمەسە كوپ ۇزاماي ءولىپ قالادى.
سيىردىڭ ەرەكشە بۇزاۋ تۋعانىن ەستىگەن ەل-جۇرت الەمنىڭ تۇكپىر-تۇكپىرىنەن ونى كورۋگە كەلە باستاعان. سيىر ءتولىن ەمىزبەي قويعاندىقتان، بۇگىندە وعان جەرگىلىكتى تۇرعىندار قامقور بولىپ ءجۇر.
ءۇندىستاندا جانۋارلار، كەيدە، ءتىپتى، ادامدار گەنەتيكالىق مۋتاسيامەن تۋىلىپ جاتادى، سوندىقتان بۇل ەلدە مۇنداي ەرەكشە جاراتىلىسقا جۇرت اسا تاڭدانا بەرمەيدى.
