«نۇر-مەديا» حولدينگىنىڭ قۇرامىنا كىرەتىن «Túrkistan» حالىقارالىق گازەتىنىڭ ۇجىمىنا جاڭا باس رەداكتور تانىستىرىلدى.

بۇل قىزمەتكە بۇعان دەيىن ءبىرقاتار وڭىرلىك جانە رەسپۋبليكالىق بۇقارالىق اقپارات قۇرالدارىنا باسشىلىق ەتكەن 33 جاستاعى قۋات اۋەسباي تاعايىندالدى. ەڭبەك جولىن «انا ءتىلى»، «ايقىن» گازەتتەرىنەن باستاعان ول، «حالىق ءسوزى» رەسپۋبليكالىق قوعامدىق-ساياسي گازەتىنىڭ، جامبىل وبلىستىق «اق جول» گازەتىنىڭ، سونداي-اق، لاتىن گرافيكاسىندا شىققان تۇڭعىش رەسپۋبليكالىق "TIL-QAZYNA" اقپاراتتىق-تانىمدىق گازەتىنىڭ باس رەداكتورى قىزمەتتەرىن اتقارعان.

«Túrkistan» - 1994 جىلدان باستاپ قازاق تىلىندە شىعاتىن بەلدى حالىقارالىق گازەت. اپتالىق جازىلۋ ارقىلى قازاقستان اۋماعىندا، رەسەي فەدەراسياسىندا جانە قىرعىزستاندا تارالادى. باسىلىمنىڭ ونلاين نۇسقاسى www.turkystan.kz كيريلليسا، لاتىن جانە اراب قارىپتەرىندە جۇمىس ىستەيدى.

سونىمەن بىرگە «نۇر-مەديا» حولدينگىنە «استانا» تەلەارناسى، «NS» راديوسى، «وrda FM» راديوسى، «ايقىن»، «ليتەر» رەسپۋبليكالىق گازەتتەرى جانە «قازاقستان تەمىرجولشىسى» سالالىق باسىلىمى كىرەدى.