الماتىلىق 10 جاستاعى اكتريسا سوفي ماناسيان "Nickelodeon" ارناسىنىڭ "Lip Sync Battle Shorties" اتتى شوۋىنا قاتىستى،- دەپ جازادى Qamshy.kz اقپارات اگەنتتىگى. بۇل تۋرالى اقپاراتتى اناسى ولگا ماناسيان Instagram پاراقشاسىندا جاريالادى. ءسوفيدىڭ قاتىسۋىمەن وتكەن رەيتينگى جوعارى شوۋ 12 قاڭتاردا استانا ۋاقىتىمەن تاڭعى ساعات 9:00-دە كورسەتىلمەك.
پوسموترەت ەتۋ پۋبليكاسيۋ ۆ Instagram
ايتا كەتەيىك، باعدارلامانىڭ ءتۇسىرىلىمى وتكەن جىلدىڭ تامىزىندا باستالعان. اتاقتى "Warner Brother" ستۋدياسىندا تۇسىرىلگەن شوۋعا قاتىسۋ باستاپقىدا تەك ارمان بولعانىن ايتقان اناسى ءسوفيدىڭ تالانتى مەن اعىلشىن تىلىندە ءمىنسىز سويلەگەنى ءتۇسىرىلىم الاڭىنداعى قاتىسۋشىلاردى ەرىكسىز تاڭعالدىرعانىن ايتادى.
"بۇل وتە ۇلكەن تاجىربيە. سوفي — شوۋعا ارنايى الىس ايماقتان كەلگەن جالعىز جانە ەڭ باستى قاتىسۋشى. ەكى جىل بۇرىن اعىلشىن تىلىندە سويلەي الماعان سوفي شەتەلدىك ارناعا ءوز ەلى تۋرالى تەبىرەنە سۇحبات بەرگەندە ەشكىم ءوز تاڭدانىسىن جاسىرا المادى. ءتۇسىرىلىم الاڭىندا رەجيسسەردىڭ ايتقاندارىن بۇلجىتپاي ورىنداپ، ءوز تالانتىمەن كوپشىلىكتىڭ كوڭىلىنەن شىقتى. بۇرىن مۇمكىن ەمەستەي كورىنگەن ونىڭ ارمانى ورىندالدى. مىنە، سوفي "Nickelodeon" ارناسىندا!"، — دەيدى سوفي ماناسياننىڭ اناسى ولگا ماناسيان.
سوفي سوڭعى ەكى جىلدىڭ ىشىندە كاليفورنيادا بىرنەشە روليك پەن فيلمگە ءتۇسىپ، اتاقتى "Barbie" كومپانياسىمەن كەلىسىمشارتقا وتىرعان.
پىكىر قالدىرۋ