تانىمال امەريكاندىق پەداگوگ، جازۋشى، وراتور-موتيۆاتور – دەيل كارنەگيدىڭ ءومىر پسيحولوگياسىن كىتاپتارى ارقىلى بىلە الاسىز، ال باقىتتى بولۋ مەن ءتىل تابىسۋدىڭ تەورياسىن جاساعان پسيحولوگتىڭ ءولىمى تۋرالى جالعان پىكىرلەر تولىپ جاتىر. Qamshy.kz اقپارات اگەنتتىگى وقىرمان نازارىنا دەيل كارنەگيدىڭ ءومىرى جايلى دەرەكتەردى ۇسىنادى.

دەيل كارنەگيدىڭ سابىن ساتقان.

دەيل كارنەگي 1888 جىلى 24 قاراشادا ميسسۋري شتاتىندا كەدەي شارۋانىڭ وتباسىندا دۇنيەگە كەلگەن. ول – دجەيمس ۆيليام كارناگي مەن اماندا ەليزابەت حاربيسوننىڭ وتباسىنداعى ەكىنشى ۇل. كارناگي وتباسى 1904 جىلى ميسسۋريدەن ۋوررەنسبەرگكە كوشىپ بارادى. 16 جاستاعى دەيل كۇندەلىكتى تاڭعى ساعات 4-تە سيىر ساۋىپ، ودان كەيىنگى ۋاقىتىندا ۋوررەنسبەرگ پەداگوگيكالىق كوللەدجىنەن تەگىن ءبىلىم الىپ جۇرگەن. 1908 جىلى لاتىن تىلىنەن سىناق تاپسىرماعانى ءۇشىن كوللەدجدەن كەتەدى. دەيل كارنەگي سول كەزدە پەداگوگ بولمايمىن دەپ شەشىم قابىلدايدى.  ءبىراق كوللەدجدەن كەيىن شاعىن قالاشىقتاعى فەرمەرلەرگە ارناپ كۋرس وتكىزەدى. كەيىننەن سول ۋاقىتتاعى تانىمال Armour & Company كومپانياسى ءۇشىن ەت، سابىن، ماي سياقتى ونىمدەردى ساتۋمەن اينالىسىپ، 500 دوللار قارجى جيناپ، ءوزىنىڭ ۇستاز بولامىن دەگەن ارمانىن ورىنداعىسى كەلەدى.

دەيل كارناگي اتاقتى بولۋ ءۇشىن تەگىن وزگەرتكەن.

1922 جىلى دەيل ءوزىنىڭ نەگىزگى تەگى كارناگيدى كارنەگيگە اۋىستىرادى. بۇل قادامعا ول ءوزىن جارنامالاۋ ءۇشىن بارعان بولۋى كەرەك. سەبەبى، سول ۋاقىتتا بۇكىل جۇرتشىلىققا ەندريۋ كارنەگي دەگەن اتاقتى ميلليونەردىڭ ەسىمى تانىمال بولاتىن. دەيل كارنەگي ءوز كىتاپتارىندا دا وسى ميلليونەردىڭ ءومىرى مەن ەسىمىن مىسال رەتىندە ءجيى جازادى.

دەيل كارنەگي كينوعا تۇسكەن.

1947 جىلى رەجيسسەر ەدۆارد كلايننىڭ كومەديالىق «Jiggs and Maggie in Society» اتتى فيلمىندە دەيل كارنەگي ءوزىن ءوزى سومدايدى.

كارنەگيدىڭ تانىمال بولۋىنا جۇبايى تىكەلەي اسەر ەتكەن

دەيل كارنەگي ەكى رەت ۇيلەنگەن. ونىڭ ەكىنشى جارى – تابىستى كاسىپكەر بولعان. سونىڭ ارقاسىندا كارنەگي كوپشىلىككە تانىلادى. ايەلى كارنەگيگە مورالدىق تۇرعىدان دا، ماتەريالدىق جاعىنان دا ۇلكەن دەمەۋ كورسەتكەن.

كارنەگيدىڭ قايتىس بولۋى تۋرالى قاي اقپارات شىندىققا جاناسادى؟

عالامتوردا كارنەگيدىڭ ءولىمى تۋرالى ءارتۇرلى جالعان اقپاراتتار ءجۇر. كەيبىر دەرەكتەردە ول وز-وزىنە قول جۇمساعانى تۋرالى ايتىلادى. الايدا، مۇنداي اقپاراتتىڭ تاراۋىنا يرۆينگ ترەسسلەردىڭ كارنەگيدىڭ كىتابىنا جازعان پاروديالىق شىعارماسى سەبەپ بولعان. شىن مانىندە، وز-وزىنە قول جۇمساعان كارنەگي ەمەس ترەسسلەردىڭ ءوزى بولاتىن. ال دەيل كارنەگي ءومىرىنىڭ سوڭعى ۋاقىتىندا حودجكين اۋرۋىنا شالدىققان. بۇل اۋرۋدىڭ بەلگىلەرى بويىنشا ناۋقاستىڭ ىشكى جانە سىرتقا قۇرىلىسىندا وزگەرىستەر پايدا بولىپ، ۆيرۋستىق بورتپەلەر مەن جوتەلگە ۇلاسادى. سوندىقتان، مۇنداي اۋرۋعا شالدىققان ناۋقاستاردى باسقا ادامداردان وقشاۋلاندىرعان. كوپشىلىككە تانىلعان تۇلعا ءۇشىن وزگەلەردەن تىعىلىپ ءومىر ءسۇرۋ وتە قيىن بولدى. سىرقاتىنىڭ سالدارىنان كوپ قينالعان كارنەگي ءوزىن ءوزى اتىپ جىبەرەدى. سول ۋاقىتتا بولەك تۇرعان ايەلى ونىڭ ءولىمىن كوپشىلىككە جاريا قىلماس ءۇشىن، جەرلەۋ ءراسىمىن دە تەك جاقىندارىمەن عانا وتكىزەدى. پولياسيانىڭ ەسەبىندە دە ناقتى دەرەكتەر كورسەتىلمەي، ءولىمنىڭ قۇپياسى تولىق جازىلمايدى. ارينە، كاسىپكەر ايەلى كارنەگيدىڭ اتاعىنا نۇقسان كەلگەنىن قالاماعاننان با، جوق وتباسىلىق بيزنەستىڭ بۇزىلۋىنان قورىقتى ما، بەلگىسىز؟