5 قاڭتاردان باستاپ ءبىرىڭعاي جيناقتاۋشى زەينەتاقى قورىنىڭ سالىمشىلارى قوردا قانشا اقشاسى بار ەكەنىن eGov.kz سايتىنان ءبىر رەتتىك SMS قۇپيا ءسوزدىڭ كومەگىمەن بىلە الادى، دەپ حابارلايدى Qamshy.kz اقپارات اگەنتتىگى sputniknews.kz سايتىنىڭ دەرەگىن نەگىزگە الىپ.
وسى ۋاقىتقا دەيىن بۇل قىزمەت ءتۇرىن ەلەكتروندى سيفرلىق قولتاڭبامەن عانا پايدالانۋعا بولاتىن ەدى.
"سالىمشى سۇراتىم جىبەرگەننەن كەيىن ازاماتتاردىڭ mGov ءموبيلدى بازاسىندا تىركەلگەن نومىرىنە قۇپيا ءسوز جازىلعان SMS كەلەدى"، — دەدى زەينەتاقى قورىنىڭ باسپا ءسوز قىزمەتىندەگىلەر.
بۇدان وزگە زەينەتاقى سالىمدارى تۋرالى اقپاراتتى بجزق كەڭسەسىنە بارىپ نەمەسە جازباشا ءوتىنىش وتكىزگەننەن كەيىن، بجزق-دا تىركەلگەن ەلەكتروندى پوشتا ارقىلى، سونداي-اق، ەلەكتروندى سيفرلىق قولتاڭبانىڭ كومەگىمەن بجزق پورتالىنداعى جەكە كابينەت نەمەسە eGov.kz ەلەكتروندى ۇكىمەت سايتىنداعى جەكە كابينەت ارقىلى الۋعا بولادى.
پىكىر قالدىرۋ