ەستەرىڭىزدە بولسا، وسىدان ءبىر اي شاماسى بۇرىن الەمدە تىيىم سالىنعان تاجىريبە جۇرگىزىپ، ۇرىق دنك-سىن رەداكسيالاعان جۇڭگو عالىمى تۋرالى ەكى حابار تاراتقانبىز: ياعني ەمبريون دنك-سىنا تاجىريبە جاساۋ ارقىلى ناتيجەسىندە وسى زامانعى ەمى قيىن ۆيچ ينفەكسياسىنا اعزاسى ءتوزىمدى نانا جانە لۋلۋ ەسىمدى ەگىز قىزدىڭ ومىرگە كەلگەنى تۋراسىندا ايتقانبىز. حە دزيانكۋي ەمحاناسىندا وسى زامانعى Crispr تەحنولوگياسىنىڭ كومەگىمەن جۇرگىزىلگەن تاجىريبە ءوز كەزەگىندە عالىمنىڭ ايداي الەمگە اتىن شىعارعانىمەن ونىڭ جاڭالىعى ءوز باسىنا قارا بۇلت بولىپ ءۇيىرىلىپ، اقىرىندا ءىز-تۇسسىز جوعالىپ كەتكەنىن ءارى ۇزىنقۇلاق حابارعا قاراعاندا گونكونگتاعى عىلىمي جيىننان كەيىن ونى تۇتقىنداپ اكەتكەنى تۋراسىندا دا ايتىپ وتكەنبىز. قاننىڭ لەيكوسيتتىنىڭ تۇزىلۋىنە اسەر ەتەتىن گەنگە تۇزەتۋدى ەنگىزۋدى قاجەت ەتپەيتىن ۆيچ ينفەكسياسىنا توزىمدىلىك، ياعني، كەي ادامداردىڭ اعزاسىندا مۇنداي مۋتاسيا كەزدەسەدى. ولاردىڭ قاراسى كارى قۇرلىقتا شامامەن 1،5 پايىزدى قۇرايدى. حە دزيانكۋيدىڭ ءوزى بۇل تاجىريبەنى ادامزاتتىڭ يگىلىگى مەن گەندىك ينجەنەريانىڭ دامۋى ءۇشىن جۇرگىزگەنىن ايتىپ، اقتالىپ باقسا دا، ونىڭ قولىنا كىسەن سالىنىپ، قازىرگى ۋاقىتتا شەنچجەن قالاسىنداعى ءوزىنىڭ ۇيىندە قاماۋدا وتىر. سىرتىنان كۇزەت قويىلعان. ۇستىنەن قىلمىستىق ءىس قوزعالىپ، تەرگەۋ امالدارى جۇرگىزىلىپ جاتىر. ونىڭ اياعى ءولىم جازاسىنا ۇلاسۋى مۇمكىن.
عالىم دنك-سىنا تاجىريبە جۇرگىزگەن ەگىز قىزدار. نانا مەن لۋلۋ
دەرەككوز: islam.kz
ۇسىنعان گۇلىم جاقان
پىكىر قالدىرۋ