بۇركىتشى قىز اتىمەن تانىمال ەتنيكالىق قازاق ايشولپان نۇرعايىپ قىزى استاناداعى ءومىرى تۋرالى ايتىپ بەردى دەپ جازادى Qamshy.kz اقپارات اگەنتتىگى 24.kz سايتىنىڭ دەرەگىن نەگىزگە الىپ. 

ول ءقازىر استانا قالاسىنداعى حالىقارالىق "Spectrum" مەكتەبىندە مەملەكەتتىك گرانت ارقىلى وقىپ جاتىر. ايشولپان قالا تۇرعىندارىنىڭ قوناقجايلىعى مەن اۋا-رايى تۋرالى ءسوز قوزعادى. 

♦بۇركىتشى ايشولپان ەلباسىن بايان-ولگەيگە شاقىردى: "الىستاعى اعايىن ءبىر جاساپ قالار ەدى"

"مەن تۋعان جەرىمدە ءبىلىم الىپ جاتقانىما قۋانامىن. وقۋىم جاقسى، بۇل جەردە اعىلشىن ءتىلىن مەڭگەرۋدەمىن. ال اۋا رايىنا كەلەر بولساق، استانا ءبىزدىڭ ەلگە قاراعاندا الدەقايدا سۋىق. سوندىقتان ماعان اسا قولايسىزدىق تۋدىرمادى"، دەيدى بۇركىتشى قىز.

♦بۇركىتشى قىز ايشولپانعا قۇنى 20 مىڭ دوللار تۇراتىن ءبىلىم گرانتى تابىستالدى

ايتا كەتەيىك، 2016 جىلى موڭعوليادا تۇراتىن قازاق قىزى ايشولپان نۇرعايىپ قىزى تۋرالى «بۇركىتشى قىز» اتتى رەجيسسەر وتتو بەللدىڭ دەرەكتى ءفيلمى شىققان بولاتىن. العاش رەت 2014 جىلى اعىلشىننىڭ Daily Mail باسىلىمى «قازاقتىڭ سالت-داستۇرىندەگى اسىل قۇندىلىقتاردىڭ ءبىرى — قۇسبەگىلىك ونەرىن يگەرگەن ون ءۇش جاسار جالعىز قىز» اتتى ايشولپان جايلى ماقالا جاريالاپ، ونى بۇكىل الەمگە تانىمال ەتتى. قانداسىمىز 2018 جىلى قازاقستانعا ارنايى شاقىرۋمەن كەلىپ، «ءبىلىم-يننوۆاسيا» حقق بەرگەن گرانتپەن «نۇر وردا» مەكتەپ ليسەيىندە ءبىلىم الىپ جاتىر.

اۋدارعان: اسەل بولات قىزى