بىلىكتىلىك – ىزدەنۋمەن،  ەرىنبەيتىن   ۇلكەن ەڭبەكپەن   كەلەتىن  تاجىريبەلەردىڭ  ناتيجەسى.  جاستاردى تاربيەلەي  وتىرىپ، ءوز ەلىنىڭ پاتريوتى بولۋ مىندەتىن  جۇكتەۋ  – بىزگە امانات. الەمنىڭ تۇكپىر-تۇكپىرىنەن قازاقستانعا كەلىپ، ءبىر شاڭىراق استىنا جيىلىپ، جوعارى ءبىلىم الىپ جاتقان جاستار ونەرلەرىن شىڭداپ، عىلىمعا جول اشىپ وتىرعاندارى ءبىزدى شىن قۋانتادى.  اسىرەسە، اير كەلىپ ءبىلىم الىپ جاتقان جاستاردىڭ ىقىلاسى ەرەكشە. ولار از ۋاقىتتىڭ ىشىندە ءتىلدى دە مەڭگەرىپ، قوعامعا ەركىن ارالاسىپ كەتەدى.سەبەبى، قازاق حالقىنىڭ ۇلتتىق مادەنيەتىنە، تاريحىنا، داستۇرىنە قىزىعادى. قازاق ءتىلىنىڭ 30 مىڭعا جۋىق ءسوزى اراب-پارسى تىلدەرىنەن كەلگەندىكتەن ولارعا ءتىل مەڭگەرۋ وڭاي، ءارى قىزىقتى. ءال-فارابي اتىنداعى قازۇۋ-ڭ دايىندىق كافەدراسىندا شەتەلدەن كەلگەن ازاماتتار تىلدىك ورتاعا تەز بەيىمدەلىپ، قالاعان ماماندىقتارىن يگەرۋ ءۇشىن مۇندا دارىستەن تىس اتقارىلاتىن تاربيەلىك جانە قوعامدىق ءىس-شارالار كوپ، ولار قوعامىمىزعا قوسىلعان اۋقىمدى مادەني باعىتتاعى ىستەرىنىڭ ماڭىزىن ارتتىرا  تۇسپەك. «تاربيەسىز بەرگەن ءبىلىم-قاۋىپتى» دەگەن ءال-فارابي بابامىزدىڭ ءسوزى راس. شاكىرت بار جاقسىلىقتى وقۋ ورنىنىڭ قابىرعاسىندا قالايدى، تالانتى اشىلادى، ورتاعا بەيىمدەلەدى، شىڭدالادى. حالقىمىزدىڭ  ۇلتتىق  رۋحانياتىن  ەسەلەۋگە،  ونىڭ  دارىپتەۋگە  ارنالعان  ءىس-شارالار جاستاردىڭ رۋحاني دامۋىنا، ادامگەرشىلىك ىزگى قاسيەتتەردى بويىنا قالىپتاستىرۋدا   شىن  مانىندە  ماعىنالى،  پايدالى  دەپ  ايتا  الامىز. قىزىقتى سايىستار، ءبىلىم باسەكەلەرى، ونەر فەستيۆالدارى جىل سايىنعى ءداستۇرلى مەرەكەلەرگە اينالعان. كافەدراداعى پاندىك باعىتتاعى كلۋبتار مەن ۇيىرمەلەردىڭ جوسپارىنا ساي وتكىزىلگەن كەشتەر مەن تاربيەلىك ساعاتتار تاقىرىپ جاعىنان دا، ءمان-ماعىناسى جاعىنان دا تەرەڭ، ماڭىزدى. سولاردىڭ ءبىرى – «شامشىراق» كلۋبىنىڭ ۇيىمداستىرۋىمەن وتكەن ادەبي كەشتەر مەن ايتۋلى تۇلعالارمەن كەزدەسۋلەر. كلۋب اياسىندا قالامگەرلەرمەن، جۋرناليستەرمەن، قوعام قايراتكەرلەرىمەن سىر-سۇحبات وتكىزىپ، ولاردىڭ ومىرلەرى مەن ەڭبەكتەگى جەتىستىكتەرىن شاكىرتتەرىمىزگە ۇلگى ەتۋدەمىز. سونداي كەزدەسۋدىڭ ىقپالىمەن اقىن مارالتاي ىبىرايىمۇلىمەن، تاريحشى-عالىم بەرەكەت كارىبايەۆپەن، جازۋشى بولات بوداۋبايۇلىمەن وتكەن تارتىمدى كەشتەردى تىلگە تيەك ەتىگە بولادى.سونىمەن بىرگە كافەدرادا «جاس تاريحشى»، «تەمىرقازىق»، «ولكەتانۋ»، «جاۋقازىن» سىندى ۇيىرمەلەر جۇمىس ىستەيدى، ولاردىڭ بارلىعى جاس جەتكىنشەكتەرگە تۋعان ەلدىڭ مادەنيەتىن كوتەرۋ، تانىستىرۋ، ءعىلىم-بىلىمىن ساپالى يگەرتۋ ماقساتىندا جوسپارلى ىستەر اتقارۋدا. شەتەلدەن كەلگەن  ازاماتتار قازاق ەلىنىڭ تاريحىن، ادەبيەتىن، عىلىمىن ءبىلىپ، تانىپ، دامىتسىن دەگەن ماقساتتا جاسالىنىپ جاتقان ىستەر مۇنىمەن شەكتەلمەيدى. ماسەلەن، جىل سايىنعى «اتامەكەنىم-قازاقستان» اتتى ونەر فەستيۆالى تالانتتى جاستاردىڭ جولىن اشادى. مۇندا ءار ەلدەن كەلگەن  جاستار ءوز ونەرلەرىمەن سىنعا تۇسەدى. وسى سايىستا اقىندىق قىرلارى، انشىلىك ونەرلەرى، سۋرەتشىلىك، بي، ساحنالىق كورىنىستەن اكتەرلىك شەبەرلىكتەرى سىنعا ءتۇسىپ، جاستاردىڭ جان-جاقتى اشىلۋىنا مۇمكىندىكتەر تۋادى. وسى سايىستاردا كوزگە تۇسكەن تالاپكەرلەردى قالامىزدىڭ مادەني وشاقتارىندا بولىپ جاتقان ءتۇرلى شارالارعا قاتىسۋعا قوسامىز. جىل بويىنا ءبىلىم مەن بىرگە مادەني ءىس-شارالارعا، ءتۇرلى مۇراجايلار مەن تەاترلارعا بارىپ، رۋحاني دامۋ ۇلگىسىن جاستاردىڭ بويىنا سىڭىرۋگە تىرىسامىز.  وقۋ مەن تاربيەدەن باسقا قولدارى بوس ۋاقىتتا قالاداعى ءتۇرلى مادەني مۇراجايلارعا، تەاترلارعا بارۋ ادەتىمىزگە اينالعان. وسى رەتتە قازاقستاننىڭ ورتالىق مۇراجايىنا، زامانىمىزدىڭ زاڭعار جازۋشىسى م.اۋەزوۆتىڭ مۇرىمدىق مۇراجاي-ۇيىنە، كەمەڭگەر ۇلت ۇستازى ا.بايتۇرسىن ۇلىنىڭ مۇراجاي-ۇيىنە،ۋنيۆەرسيتەتتىڭ تاريحي مۇراجايىنا بارىپ، جاستار زور اسەرگە بولەنەدى.  ونىمەن بىرگە، ع.مۇسىرەپوۆ اتىنداعى جاستار تەاترىنا بارىپ، ونداعى ءتۇرلى قويىلىمداردى كورىپ، تالقىلاپ، كوزقاراستارىنىڭ    جان-جاقتى كەڭەيۋىنە زور ىقپالدى بولدىق.  فاۋلتەتىمىزدە تەك قازاق جاستارىمەن بىرگە مۇندا الەمنىڭ تۇكپىر-تۇكپىرىنەن كەلگەن شەتەلدىك ازاماتتار وسىنداي تانىمدىق ءبىلىم الىپ، قازاق ءتىلىن ۇيرەنىپ، قازاقتىڭ سالت-داستۇرىمەن تانىسىپ،تاريحىن، مادەنيەتىن يگەرۋدە. ءال-فارابي اتىنداعى قازاق ۇلتتىق ۋنيۆەرسيتەتىندە وقىپ، ءبىلىم الۋ – كەز-كەلگەن جاستىڭ ارمانى. وعان دايىندىق كافەدراسىنىڭ  بىلىكتى ۇستازدارى كاسىبي ءبىلىم بەرىپ، جوعارى دەڭگەيدە وقۋعا تۇسۋگە مۇرىندىق بولۋدا. ءبىلىمدى جاستار – ەلىمىزدىڭ بولاشاعى. سوندىقتان، جاستار ءبىلىمدى ساپالى الىپ، ۇلتتىق مادەنيەتىمىزدى بويىنا سىڭىرسە ەكەن دەيمىز.

ج.س.ءادىلحانوۆا، ءو.ساندىقبايەۆا،

جوو دەيىنگى دايىندىق

كافەدراسىنىڭ اعا وقىتۋشىcى