2018 جىلدىڭ 23 قاڭتارىندا "جاستار جىلى" فورۋمىنىڭ اشىلۋ سالتاناتىندا ءسوز سويلەگەن 27 جاستاعى 7 بالانىڭ اناسى جازيرا تۇرعىنوۆا بۇگىن ءۇيلى بولدى. تۇرعىنوۆانىڭ وتباسىنا ءۇيدىڭ كىلتىن تۇركىستان وبلىسىنىڭ اكىمى جانسەيىت تۇيمەبايەۆ ءوز قولىمەن تابىستادى، دەپ جازادى Qamshy.kz اقپارات اگەنتتىگىنىڭ ءتىلشىسى تۇركىستان وبلىسى ىشكى ساياسات ءبولىمىنىڭ باسشىسى بەيسەن تاجىبايەۆقا سىلتەمە جاساپ.

تاجىبايەۆ ءسۇيىنشى جاڭالىقپەن Facebook-تەگى پاراقشاسىندا ءبولىستى. 

"كۇنى كەشە عانا ەلوردادا ەلباسىنىڭ الدىندا اقتارىلا سويلەپ، ەل رازىلىعىنا بولەنگەن باتىر انانىڭ ءومىرى جاقسىلىققا كۇرت وزگەردى دەگەن وسى شىعار. ال استانادان - شىمكەنتكە پوەزبەن شىققان جازيرا، سول ساتتەن باستاپ اتىنىڭ شارتاراپتى شارلاپ كەتەرىن دە بىلگەن جوق.

بەيسەنبىنىڭ تۇسىندە تەمىرجول ۆوكزالىندا انتالاي كۇتكەن تىلشىلەردەن تىكسىنىپ، توسىرقاپ جۇرگەنى دە سودان. 

ال بۇگىن، قاسيەتتى جۇمادا كيەلى تۇركىستاندا وبلىس باسشىسى جانسەيىت تۇيمەبايەۆتىڭ قولىنان باسپانانىڭ كىلتىن العان باتىر انا ءوڭ مەن ءتۇستىڭ ورتاسىندا عاجايىپ كۇي كەشىپ تۇر. ءۇي لەنگەر قالاسىنان ۇسىنىلدى. ال وتاعاسى ولجاس ابىلدابەكوۆ ارنايى وقىتۋ كۋرستان وتكىزىلىپ، جۇمىسقا ورنالاسادى"، - دەپ جازدى بەيسەن تاجىبايەۆ پاراقشاسى

ۇسىنعان گۇلىم جاقان