ءوزىن "قازاقتىڭ كۇيەۋ بالاسىمىن"، دەپ سانايتىن نيۋ-يورك قالاسىنىڭ تۇرعىنى ستيۆ روسسي قازاقتىڭ حانى ابىلاي حان تۋرالى جانە قازاق جۇزدەرىنىڭ ەرەكشەلىكتەرى تۋرالى بىلەدى دەپ جازادى Qamshy.kz اقپارات اگەنتتىگى "حابار 24" سايتىنىڭ دەرەگىن نەگىزگە الىپ. 

ديانا ەسىمدى قازاقستاندىق قىزبەن تانىسقاننان كەيىن ستيۆ روسسي قازاقتىڭ تاريحى مەن قازاقستاننىڭ مادەنيەتىنە قىزىعا باستايدى. 

"مەنىڭ ايەلىم - ورتا ءجۇزدىڭ قىزى. مەن قازاقتىڭ ءۇش ءجۇزى مەن ابىلاي حان تۋرالى كىتاپ وقىعانمىن. اسىرەسە  ابىلاي حان تۋرالى جاقسى بىلەمىن. ول ناعىز قازاق جانە تاريحي تۇلعا. سونداي-اق قازاقستاننىڭ پرەزيدەنتى نۇرسۇلتان نازاربايەۆ تۋرالى فيلم كوردىم، كىتابىن دا وقىدىم. ەندى پرەزيدەنتتىڭ وزىمەن كوزبە-كوز كەزدەسۋدى ارمانداپ ءجۇرمىن"، دەيدى روسسي. 

ول قازاقستانعا كەلگەن كەزدە مىندەتتى تۇردە كىتاپ دۇكەندەرىن ارالاپ، قازاق تىلىندە اۋدارماسى بار بىرنەشە ادەبي كىتاپتى ساتىپ الادى. كەيىن نيۋ-يوركتە بوس ۋاقىتىن وسى كىتاپتاردى وقۋعا ارنايدى.

ونىڭ ايتۋى بويىنشا نيۋ-يوركتە قازاق تىلىندە سويلەيتىن ادامدار از. بۇل جايت ونىڭ قازاق ءتىلىن ۇيرەنۋىنە، قاتەسىز سويلەۋىنە كەرى اسەرىن تيگىزىپ جاتىر. 

"مەن قازاقتىڭ كۇيەۋ بالاسىمىن. مەنىڭ تيمۋر ەسىمدى 10 جاستاعى ۇلىم بار. ءوزىم نيۋ-يوركتە دۇنيەگە كەلگەنمىن. ال قازاقتىڭ مادەنيەتى مەنىڭ جۇرەگىمدە ساقتالعان. قازاق — وتە جاقسى، قوناقجاي حالىق. مەن قازاقستاندا 2 رەت بولعانمىن. قازاقتىڭ قىمىز، شۇبات، قۋىرداق، قازاقشا ەت سەكىلدى ۇلتتىق تاعامى ماعان قاتتى ۇنادى. قازاقستانداعى تۋعان-تۋىسقا جالىندى سالەم جولدايمىن"، دەپ ءسوزىن اياقتادى روسسي. 

اۋدارعان: اسەل بولات قىزى