كەيدە الەۋمەتتىك جەلىگە سالعان فوتوسۋرەتتەردى اقتارىستىرىپ وتىرىپ، ءبىز ولاردىڭ وزىندىك ەنەرگەتيكاسى بولاتىنىن، ومىرىمىزگە اسەرىن تيگىزىپ، دەنساۋلىعىمىزدى نىعايتاتىنىن نەمەسە جاسارتاتىنىن سەزىنە بەرمەيمىز. ال پاراپسيحولوگتار ادام سۋرەتىنىڭ قۇپيا كۇشىن باياعىدان بىلەدى.
ادام مەن فوتوسۋرەتتىڭ قانداي بايلانىسى بار دەيسىز بە؟
ادامدار كونە زاماننان وزدەرى مەن سۋرەتىنىڭ ماگيالىق بايلانىسى بارىنا سەنىپ كەلگەن. وعان حالىق ەمشىلەرى مەن باقسى-بالگەرلەردىڭ سۋرەتكە قاراپ پال اشۋى، ادامنىڭ ءتىرى نەمەسە ءولى ەكەنىن سۋرەتىنە قاراپ اجىراتۋى جانە سۋرەتى ارقىلى ەمدەۋى مەن دۋا جاساۋى دالەل بولا الادى.
حIح عاسىردىڭ ورتاسىندا فوتوگرافيا پايدا بولعان كەزدە، تىلسىم كۇشكە يە ادامدار جۇرتقا الىس قاشىقتىقتان اسەر ەتۋدىڭ كەرەمەت مۇمكىندىگىنە يە بولعاندارىن ويلاماعان-دى. ۋاقىت وتە كەلە، كوزبوياۋشىلار مەن سيقىرشىلار فوتوسۋرەتتىڭ قۇپيا كۇشىنە ابدەن قانىعىپ، ودان العان اقپارات ارقىلى جاعىمسىز ىستەرىن ەركىن جۇزەگە اسىرا باستايدى. ءقازىر وقىمىستىلار فوتوبەينەدە ءبىزدىڭ سىرتقى ءتۇرىمىز عانا ەمەس، بيوەنەرگەتيكامىز دا قاتتالىپ قالاتىنىن انىق دالەلدەپ شىقتى.
كەز كەلگەن فوتو ارقىلى وندا بەينەلەنگەن ادامنىڭ ءولى نەمەسە ءتىرى ەكەنىن عانا ەمەس، قانداي سىرقاتپەن اۋىراتىنىن دا بىلۋگە بولادى. اسىرەسە تۋرا قاراپ جانارىن كەڭ اشىپ تۇسكەن پورترەتتەر اقپارات الۋ ءۇشىن وتە قولايلى. ادامعا سۋرەتى ارقىلى جاقسىلىق جاساپ، كوڭىلىن جادىراتىپ، ەنەرگەتيكاسىن كوتەرۋگە، اۋرۋىنان جازۋعا نەمەسە كەرىسىنشە جاماندىق جاساپ، ول ادامدى كوز بەن ءسوز تيگىزۋ ارقىلى ناۋقاسقا شالدىقتىرۋعا، ءتىپتى اجالعا ايداپ سالۋعا دا بولاتىن كورىنەدى.
سۋرەتى ارقىلى تەك قانا ادامعا ەمەس، كەز كەلگەن جاندى نارسەگە، ءتىپتى وسىمدىككە دەيىن اسەر ەتۋگە بولادى. ماسەلەن، وسىنداي ءبىر اۋەسقوي تاجىريبە جۇمىرتقانى جاڭا جارىپ شىققان بالاپاندارعا جۇرگىزىلگەن. ياعني دەنە قۇرىلىسى بىردەي ءتورت بالاپاننىڭ ءبىرىن سۋرەتكە تارتىپ، ول سۋرەتتى كوبەيتۋ ارقىلى بىرنەشە ادامعا تاراتقان. ءسويتىپ، ولارعا قايعىرعاندا نەمەسە اۋىرعاندا الگى بالاپاننىڭ سۋرەتىنە قادالىپ، ويشا ودان كۇش الۋدى، ياعني بالاپاننىڭ قۋاتىن قالاي دا تارتىپ الۋدى ويلاۋدى ۇسىنعان. ناتيجەسىندە ءۇش بالاپان كادىمگىدەي ءوسىپ جەتىلگەن دە، فوتومودەلگە پايدالانىلعان ءتورتىنشىسى وسىپ-جەتىلۋدىڭ ورنىنا، تىم ءالجۋاز كۇيگە تۇسكەن. ءتىپتى ءولىپ قالاتىن بولعان سوڭ، ارنايى كۇتىپ-باعۋعا تۋرا كەلىپتى.
سوندىقتان دا تەك ءوز سۋرەتتەرىڭىزگە عانا ەمەس، وتباسى مەن باۋىرلارىڭىز، تۋىسقاندارىڭىز بەن دوستارىڭىز جانە تانىستارىڭىزدىڭ دا سۋرەتتەرىنە ۇقىپتىلىقپەن قاراڭىز. پاراپسيحولوگتار مەن بيوەنەرگەتيكتەر سۋرەتتىڭ ادامنىڭ تاعدىرى مەن دەنساۋلىعىنا اسەرىن زەرتتەۋ ارقىلى فوتوگرافيامەن جۇمىس ىستەۋدىڭ تەحنيكالىق قاۋىپسىزدىگىن جاساقتاپ شىققان. ولاردىڭ ءبىرازى تومەندەگىشە:
- ءوز سۋرەتىڭىزدى الەۋمەتتىك جەلىدە قالاي بولسا سولاي تاراتا بەرمەڭىز، اسىرەسە تانىمايتىن نەمەسە وزىڭىزگە كوزقاراسى ناشار ادامدارعا بەرمەگەنىڭىز دۇرىس.
- قايتىس بولعان ادامداردىڭ، اكەڭىزدىڭ نەمەسە شەشەڭىزدىڭ بولسىن، سۋرەتتەرىن ۇيىقتايتىن نەمەسە اس ىشەتىن ايتپەسە ۋاقىتىڭىزدى كوپ وتكىزەتىن بولمەدە قابىرعاعا ىلمەگەنىڭىز، اشىق ۇستاماعانىڭىز دۇرىس.
- بوتەن بىرەۋدىڭ سۋرەتىنە وشىكپەڭىز: جىرتپاڭىز، كەسپەڭىز، سىزعىلاماڭىز، ت.ب. ءقازىر وشىككەن ادامىڭىزبەن كەيىن قارىم-قاتىناسىڭىز تۇزەلۋى مۇمكىن، سول كەزدە فوتوسى ارقىلى جىبەرگەن جامان ەنەرگياڭىزدى قايتارىپ الا المايسىز.
- ءجۇرىپ جۇرگەن قىز بەن جىگىتكە نەكەلەسكەنگە دەيىن سۋرەتكە كوپ تۇسۋگە بولمايدى. ازىرگە بەلگىسىز سەبەپكە بايلانىستى مۇنداي «فوتوحرونيكالار» ەكى جاستىڭ باس قوسۋىنا كەدەرگى كەلتىرىپ، ايىرىلىسىپ كەتۋلەرىنە سوقتىرادى.
- قايتىس بولعان ادامداردى سۋرەتكە تارتپاعان دۇرىس. كەيبىر پاراپسيحولوگتار بۇل ارەكەت مارقۇمنىڭ رۋحىن مازالايتىنىن ايتادى.
- ەنەرگەتيكالىق ۆامپيرلەرمەن بىرگە سۋرەتكە تۇسپەڭىز. كۇشىڭىزدەن ايىرىلاسىز.
- جامان اۋرۋدان نەمەسە اۋىر سىرقاتتان قايتىس بولعان ادامداردىڭ سۋرەتىن بولەك البومعا جيناڭىز، ءتىرى ادام مەن ولگەن ادامنىڭ، سونداي-اق اۋرۋ مەن ساۋ ادامنىڭ سۋرەتىن قاتار قويماڭىز.
- مۇمكىندىگىنشە البومىڭىزعا ءقابىر، زيراتتاردىڭ، قىلمىسكەرلەر مەن ەسى اۋىسقانداردىڭ، ناشاقور-ماسكۇنەمدەردىڭ سۋرەتتەرىن ىلمەۋگە تىرىسىڭىز.
دۇنيەدەن وزعان كىسىنىڭ پورترەتىن ءىلىپ قويۋدى شاريعات تا بۇيىرمايدى. تەك ەستەلىك ءۇشىن البومنىڭ اراسىنا سالىپ قويىپ، ساعىنعاندا ەسكە الىپ، قاراپ تۇرۋعا بولادى. نەگىزى مولدالار جاندى زاتتىڭ سۋرەتى تۇرعان جەرگە پەرىشتە كىرمەيدى دەيدى. سول سەكىلدى ءقابىردىڭ باسىنا ەسكەرتكىش قويعاندا دا كىسىنىڭ سۋرەتىن ءىلىپ قويۋ دۇرىس امال ەمەس ەكەنىن ايتادى.
عىلىم ءالى دە فوتوگرافيانىڭ بارلىق قۇپيالارى مەن مۇمكىندىكتەرىن بىلمەيدى. ءتىپتى كەيبىر مالىمەتتەر بويىنشا ۇشاقتىڭ، اۆتوكولىكتىڭ نەمەسە عيماراتتىڭ ارنايى تۇسىرىلگەن ەلەكتروماگنيتتىك فوتوسى ارقىلى ونىڭ بولاشاقتا اپاتقا ۇشىرايتىنىن نەمەسە قيرايتىنىن دا قارا بەلگىدەن تۇراتىن ەنەرگياسى ارقىلى بىلۋگە بولاتىن كورىنەدى. ماسەلەن، «كولۋمبيا» عارىش كەمەسى اپاتقا ۇشىراۋدان ءبىر اي بۇرىن بارلىق سەگىز استروناۆتىڭ اۋراسىندا الگىندەي جاماندىق بەلگىسى بايقالعان. ءبىراق بۇل ەسكەرتۋگە امەريكالىق عالىمدار پالەندەي نازار اۋدارماعان، اياعى قالاي بولعانى كوپكە بەلگىلى.
كەيدە كەيبىر نارسەلەردىڭ، ماسەلەن، نلو-نىڭ (ۇشاتىن تاباقشا) فوتوپلەنكاعا تارتىلمايتىنى بەلگىلى. ال كەيدە كەيبىر سۋرەتتەردە جاي كوزگە كورىنبەيتىن تۇسىنىكسىز ءبىر بەلگىلەر تاڭبالانىپ قالادى. ماسەلەن، پاۆلودارداعى ءماشھۇر ءجۇسىپ مەشىتىن سۋرەتكە تارتقاندا، الگىندەي تاڭعالارلىق ەرەكشە بەلگى كورىنگەن
سونىمەن، جوعارىداعىداي قۇبىلىستاردىڭ ادام تاعدىرىنا اسەر ەتكەن وقيعالارىن تىزە بەرسەك، تالاي مىسالدى تابۋعا بولادى. ال وعان سەنۋ-سەنبەۋ ءوز ەركىڭىزدە.
پىكىر قالدىرۋ