حالىقارالىق فۋتبول فەدەراسياسىنىڭ (فيفا) كونگرەسىندە 2030 جانە 2034 جىلدارى الەم چەمپيوناتتارى وتەتىن ورىندار رەسمي تۇردە جاريالاندى.

2030  جىلعى فۋتبولدان الەم چەمپيوناتى ءۇش كونتينەنتتە، التى مەملەكەتتە وتپەك. جارىس قوجايىندارى ماروككو، پورتۋگاليا جانە يسپانيا بولادى. Cونداي-اق تاريحتاعى تۇڭعىش الەم چەمپيوناتىنا 100 جىل تولۋىنا وراي تاعى ءۇش ويىن ۋرۋگۆاي، پاراگۆاي جانە ارگەنتينادا وتەدى. ال ءتورت جىلدان كەيىن الەم چەمپيوناتى – 2034 Cاۋد ارابياسىندا بولادى. تۋرنير ەلدىڭ 5 قالاسىنداعى 15 ستاديوندا وتەدى دەپ جوسپارلانىپ وتىر. العاشىندا 2034 جىلعى الەم بىرىنشىلىگىن قابىلداۋعا اۋستراليا دا ۇمىتكەر بولعان ەدى. ءبىراق كەيىن جارىستى وتكىزۋگە ءوتىنىش بەرۋدەن باس تارتقان. ايتا كەتەيىك، 2026 جىلعى فۋتبولدان الەم چەمپيوناتى 11 ماۋسىم مەن 19 شىلدە ارالىعىندا اقش، مەكسيكا جانە كانادادا وتەدى. فيفا-نىڭ فۋتبول شەكاراسىن كەڭەيتۋ باعدارلاماسى اياسىندا جارىسقا العاش رەت 48 قۇراما قاتىسپاق. قازاقستان كومانداسىنىڭ الەم چەمپيوناتىنا ەۋروپالىق ىرىكتەۋ كەزەڭىندەگى قارسىلاستارى 13 جەلتوقساندا انىقتالادى.