قازاقستاندا ەندى جەكە مەديسينالىق كىتاپشانى eGov Mobile موبيلدىك قوسىمشاسىنداعى E-Densaulyk سەرۆيسى ارقىلى الۋعا بولادى.
مينيسترلىكتىڭ Telegram-ارناسىندا جاريالاعان اقپاراتقا سۇيەنسەك، 2025 جىلعى 1 قاڭتاردان باستاپ قازاقستاندا جەكە مەديسينالىق كىتاپشانىڭ (سانيتاريالىق كىتاپشا) ەلەكتروندىق فورماتى ەنگىزىلدى. "ازاماتتار ەندى eGov Mobile موبيلدىك قوسىمشاسىنداعى E-Densaulyk سەرۆيسى ارقىلى مەديسينالىق تەكسەرۋ ناتيجەلەرى مەن وزدەرىنىڭ سانيتاريالىق كىتاپشاسى تۋرالى دەرەكتەردى الا الادى، بۇل مەديسينالىق تەكسەرۋدەن ءوتۋ ۋاقىتىن ەداۋىر قىسقارتادى جانە تەراپيەۆتكە قايتا بارۋ قاجەتتىلىگىن بولدىرمايدى. سانيتاريالىق كىتاپشا دايىن بولعان كەزدە ازاماتتار 1414 نومىرىنەن سمس-حابارلاما الادى"، - دەلىنگەن حابارلامادا.
بۇل رەتتە، جۇمىس بەرۋشىلەر قىزمەتكەرلەردىڭ مەديسينالىق كىتاپشالارىنىڭ وزەكتىلىگىن hr.enbek.kz تەگىن ەڭبەك رەسۋرستارى پورتالى ارقىلى تەكسەرە الادى، بۇل سانيتاريالىق نورمالاردىڭ ساقتالۋىن باقىلاۋدى جەڭىلدەتەدى جانە ىقتيمال قاتەلىكتەردىڭ الدىن الادى. سونداي-اق مينيسترلىك وكىلدەرى مەديسينالىق كىتاپشا كىمدە بولۋى مىندەتتى ەكەنىن ايتتى. "ەلەكتروندىق جۇيە قوعامدىق تاماقتانۋ، ءدارىحانا، ساناتوريي قىزمەتكەرلەرىن، سونداي-اق قىزمەت كورسەتۋ سالاسى مەن مەديسينا قىزمەتكەرلەرىن قوسا العاندا، قىزمەتكەرلەردىڭ 15 ساناتىن قامتيدى. بۇل ساناتتار ءۇشىن تۇراقتى مەديسينالىق تەكسەرۋلەر جىلىنا ءبىر رەت نەمەسە التى ايدا ءبىر رەت وتكىزىلەدى"، - دەپ ءتۇسىندىردى ۆەدومستۆو وكىلدەرى.
پىكىر قالدىرۋ