27 اقپاننان باستاپ «بولماعان بالالىق شاق» ءفيلمى بارلىق كينوتەاترلاردا كورسەتىلە باستايدى.

«بولماعان بالالىق شاق» – تانىمال اقىن، قازاقستان جازۋشىلار وداعىنىڭ مۇشەسى، ق ر «دارىن» جاستار سىيلىعىنىڭ يەگەرى اقبەرەن ەلگەزەكتىڭ كەيىنگى جىلدارى بەستسەللەرگە اينالعان تۋىندىسى «بولماعان بالالىق شاق» شىعارماسىنىڭ جەلىسى بويىنشا تۇسىرىلگەن درامالىق فيلم.

شىنايى وقيعاعا نەگىزدەلگەن بۇل تۋىندى بالالىق شاعىنان اۋىر تاعدىردىڭ سىناعىنا تۇسكەن كەيىپكەردىڭ ءومىرىن سۋرەتتەيدى. باستى كەيىپكەر قيىندىقتار مەن ادىلەتسىزدىككە قاراماستان، ءوز جولىن تابۋعا جانە ادامدىق قاسيەتتەرىن ساقتاۋعا تىرىسادى.

ءفيلمنىڭ باس پروديۋسەرى اۆتوردىڭ ءوزى – اقبەرەن ەلگەزەك، رەجيسسەرى – ايدىن ساحامان، سەنارييىن جازعان – ەفرات ءشارىپوۆ. كينوتۋىندى 27 اقپاننان باستاپ قازاقستاننىڭ بارلىق كينوتەاترلارىندا كورسەتىلە باستايدى. فيلمدەگى باستى رولدەردى ەرلان ءبىلال، بەرىك ايتجانوۆ، ءاشىم احمەتوۆ پەن جاس اكتەر شاكارىم الماسبەك وينادى.

سىزدەردى ارىپتەس دەيتىن كەزگە جەتتىك. شىنىمدى ايتسام تاباقشا الامىن دەگەن ويدا دا بولعان جوق. جازعان دۇنيەمىز ۇلكەن ەكرانعا شىعاتىن بولسا كلاسسيكالىق دۇنيەگە اينالادى دەپ ويلايمىن. فيلم Tiger Films كومپانياسىمەن "قازاقفيلم" كينوستۋدياسىمەن بىرلەسىپ شىعارىلماق. وسى رەتتە ازامات پەن كينوستۋديا ۇجىمىنا العىس ايتقىم كەلەدى. ازاماتتىڭ قولداۋىمەن "بولماعان بالالىق شاق" پوۆەسى ع.مۇسىرەپوۆ تەاترىنا ساحنالانعان ەدى. ەندى مىنە استانادا، قىزىلوردا تەاترلارىندا ساحنالانىپ جاتىر. وسى جىلى ۇلكەن ەكران ارقىلى قالىڭ كوپشىلىككە ۇسىنىلماق،- دەيدى اقىن اقبەرەن ەلگەزەك.