بيىل جەتىسۋدا وبلىستىق پەريناتالدىق ورتالىق ۇرىق حروموسومالارىنا ءينۆازيۆتى پرەناتالدىق دياگنوستيكا جانە گەنەتيكالىق زەرتتەۋ جۇرگىزەدى. بۇل ءادىس بالا مەن انا ومىرىنە وڭ سەپتىگىن تيگىزەدى.

ەل ىشىندە بالا تۋۋ كورسەتكىشى بويىنشا جەتىسۋ ءوڭىرى ۇزدىكتەر قاتارىندا تۇر. دەگەنمەن قايعىلى وقيعالاردا كەزدەسەدى. كەيدە دارىگەرلەر انالاردىڭ كۇتىنبەگەنىن ايتىپ، بالا ومىرىنە اراشا تۇسە المايدى. سول ماقساتتا ۇرىقتى قورعاۋ ورتالىعى حروموسومالىق اۋىتقۋلاردى جانە باسقا دا تۇقىم قۋالايتىن اۋرۋلاردىڭ الدىن الۋ جۇمىستارىن جۇرگىزبەك.

وبلىس ورالىعىندا قاڭتار ايىنان بەرى 354 ءسابي دۇنيە ەسىگىن اشتى. بىلتىر شاھارىمىزدا 3788 بالا ومىرگە كەلگەن ەدى. ءتىپتى ءبىر اپتادا 196 بالا دۇنيەگە كەلىپ، پەرزەنتحانامىزدا توي بولعان. بۇل قالا تۇرعىندارىنىڭ وسىپ-وركەندەۋى مەن الەۋمەتتىك جاعدايىنىڭ جاقسارعانىن كورسەتەدى، - دەيدى دەنساۋلىق ساقتاۋ باسقارماسىنىڭ باسشىسى ارمان جانسەڭگىروۆ.

ءقازىر وڭىردە بالا مەن انانىڭ دەنساۋلىعىن جاقسارتۋ ءۇشىن ءتۇرلى جوبا قابىلدانىپ جاتىر. ماسەلەن اتالعان ورتالىقتا نەيروورتوپەديالىق دەرتى بار، سەرەبرالدى سال اۋرۋى انىقتالعان بالالاردى وڭالتۋدىڭ الەمدىك ادىستەمەلەرى مەن زاماناۋي تاسىلدەرى قولدانىلادى. 

ودان بولەك، تۇرعىندارعا مەحانوتەراپيا، مانتەسسوري، شۋنگيت شاحتالارى، سەنسورلىق بولمە، يپپوتەراپيا، پسيحولوگ، لوگوپەد جانە ماسساجيست كابينەتى قىزمەت كورسەتىلەدى. ولاردى حالىق تەگىن پايدالانادى.

ءقازىر اتا-انالار كۇتىنبەسە، بۇرىنعىداي ەمەس ءتۇرلى اۋرۋ-سىرقاۋ كوپ. ونىڭ ۇستىنەن كوروناۆيرۋستان كەيىن، مەن سەكىلدى كەلىنشەكتەر بالا كوتەرە الماي ءبىراز قينالدى. قالالىق پەرزەنتحاناعا بارىپ، قارالىپ تۇرامىز. ولاي ىستەمەسە بولمايدى، - دەيدى كوپبالالى انا اينۇر جارىلقاسىن.