"ۇلىبريتانياداعى ەگىن جيناۋ جۇمىسىنا ورنالاسۋعا كومەكتەسەمىن" دەپ ۋادە بەرگەن الاياقتارعا قاتىستى سوت ۇكىمى شىقتى.
بۇل تۋرالى اقمولا وبلىسى سوتى باسپا ءسوز قىزمەتى مالىمدەدى.
قىزمەتتىك مارتەبەسىن پايدالانعان جۇمىسپەن قامتۋ ورتالىعىنىڭ ەكى قىزمەتكەرى قۇجاتتاردى رەسىمدەۋگە جانە ۆيزا الۋعا كومەكتەسۋگە ۋادە بەرگەن. ولار ۋادەلەرىن ورىندامايتىنىن بىلسە دە، كونسۋلتاسيالار وتكىزىپ، شارتتار جاساپ، بۇكىل سحەمانى ازىرلەگەن.
2022 جىلدىڭ جەلتوقسانىنان 2023 جىلدىڭ قىركۇيەگىنە دەيىن الاياقتارعا 76 ادام 31 ميلليون تەڭگەدەن استام اقشا سالعان. ولاردىڭ ەشقايسىسى دا اتالعان جۇمىسقا يە بولماعان.
سوت ايىپتالۋشىلاردى 76 جاعداي بويىنشا كىنالى دەپ تاۋىپ، ءتورت جىلعا باس بوستاندىعىنان ايىرۋدى، سونداي-اق جۇمىسپەن قامتۋعا بايلانىستى كەز كەلگەن مەملەكەتتىك نەمەسە جەكە مەكەمەلەردە ءۇش جىلعا دەيىن قىزمەتپەن اينالىسۋ قۇقىعىنان ايىرۋ جازاسىن تاعايىندادى، – دەلىنگەن سوت حابارلاماسىندا.
ءبىر جاعداي بويىنشا سوت ايىپتالۋشىلاردىڭ كىناسىن دالەلدەنبەگەندىگى بويىنشا اقتاپ، ا ول جاعداي بويىنشا ازاماتتىق تالاپتاردى قاناعاتتاندىرمادى.
قالعان 66 قۇربانعا الاياقتار الىنعان اقشانى قايتاراتىن بولدى.
پىكىر قالدىرۋ