ءماجىلىس دەپۋتاتى ەدىل جاڭبىرشين وتاندىق تاۋار وندىرۋشىلەردىڭ ماسەلەلەرىن كوتەرىپ، مەملەكەتتىك بيۋدجەتكە تۇسەتىن قارجىنىڭ ءۇش كوزىن اتادى.

ەلەكتر ەنەرگەتيكاسى تاۋارلارىن وزىمىزدە وندىرسەك، دوللاردىڭ كۋرسىنا اسا تاۋەلدى بولمايمىز. سەبەبى، تاۋاردى وزىمىزدە شىعارامىز. بۇل تەڭگەنىڭ از دا بولسا كۇشەيۋىنە ىقپال ەتەدى. ەكونوميستەردىڭ ايتۋىنشا، مەملەكەتكە كىرەتىن ءۇش قارجى كوزى بار. ءبىرىنشى — ەكسپورت، بىزدە ەكسپورتتىڭ 90% شيكىزات، ونىڭ ىشىندە 58% مۇناي. ەكىنشىدەن، قاراجات قارجى ينستيتۋتتارىنان كەلەد. ونىڭ كوزى ازايىپ قالدى. ءبىز ءقازىر قارىزدى بيۋدجەتتىڭ تەسىگىن جابۋعا پايدالانىپ وتىرمىز. ءۇشىنشى قارجى كوزى - قازاقستاندا شىعارىلاتىن تاۋارلار. ال بىزدە ونىڭ ۇلەسى جوقتىڭ قاسى، — دەدى ەدىل جاڭبىرشين ەلوردادا وتكەن ەلەكتر ەنەرگەتيكا سالاسىنداعى وتاندىق تاۋار وندىرۋشىلەردى مەملەكەتتىك قولداۋ  ءىس-شاراسىندا.