پرەزيدەنت سايلاۋىنان كەيىن باستالعان كادرلىق اۋىس-تۇيىستەر بۇگىن دە جالعاسىن تاپتى.
♦ الدىمەن پرەزيدەنت باۋىرجان مۇحامەتجانوۆتى قازاقستاننىڭ گرۋزياداعى توتەنشە جانە وكىلەتتى ەلشىسى لاۋازىمىنان بوساتىپ، ونىڭ ورنىنا پرەزيدەنت اكىمشىلىگى باسشىسىنىڭ ەكس-ورىنباسارى مالىك ءمىرزاليندى تاعايىندادى.
♦ال ءمىرزاليننىڭ ورنىنا ەرنار باسپايەۆ پرەزيدەنت اكىمشىلىگى باسشىسىنىڭ ورىنباسارى بولىپ تاعايىندالىپ، پرەزيدەنت كومەكشىسى – پرەزيدەنت اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى لاۋازىمىنان بوساتىلدى.
♦قاناتبەك جايساڭبايەۆ پرەزيدەنت اكىمشىلىگى مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەڭگەرۋشىسى لاۋازىمىنان بوساتىلىپ، وتىنىشتەردى قاراۋدى باقىلاۋ بولىمىندەگى بوس ورىنعا تاعايىندالدى.
♦ول باسقارعان مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى بولىمىنە عابيدۋللا وسپانقۇلوۆ مەڭگەرۋشى اتاندى.
پىكىر قالدىرۋ