يراندا ميتينگكە قاتىسقان ازامات العاش رەت ءولىم جازاسىنا كەسىلدى. وعان نارازىلىق كەزىندە بيلىك وكىلىنە شابۋىل جاسادى دەگەن ايىپ تاعىلعان، دەپ جازادى جەرگىلىكتى Iran International سايتى.

باسىلىمنىڭ حابارلاۋىنشا، موحسەن شەكاري ەسىمدى ازامات قاۋىپسىزدىك قىزمەتىن پىشاقتاپ ولتىرگەنى ءۇشىن دارعا اسىلعان. سوتتالۋشى تەگەرانداعى كولىك قوزعالىسىن توقتاتىپ، نارازىلىققا قاتىسقان. 

رەسمي مالىمەتكە ساي، يران سوتى "باسيج" يسلام ريەۆوليۋسياسى ساقشىلار كورپۋسىنىڭ قىزمەتكەرىن ءولتىردى دەپ ايىپتالعان 5 ازاماتقا ءولىم جازاسىن كەسكەن. ال Amnesty International ۇيىمى ميتينگكە قاتىسقان 21 ادامنىڭ ءولىم جازاسىنا كەسىلگەنىن حابارلادى. ءتىپتى، كەي قۇقىق قورعاۋشىلار ءولىم جازاسىنا كەسىلگەندەردىڭ سانى 80-گە جۋىق ەكەنىن ايتادى. 

5 جەلتوقساندا يسلام ريەۆوليۋسياسى ساقشىلار كورپۋسى يراندىق سۋديالاردى "قۇدايعا قارسى شىققاندارعا" قاتىستى تەز ءارى باتىل شەشىم شىعارۋعا شاقىرعان. 

يرانداعى نارازىلىقتار باستالعاننان بەرى قاۋىپسىزدىك كۇشتەرى 500-گە جۋىق ادامدى ءولتىرىپ، 18 مىڭ ادام ءارتۇرلى مەرزىمگە قاماۋعا الىنعان.