پرەزيدەنت جارلىعىمەن جەڭىس ماحمۇد ۇلى قاسىمبەك استانا قالاسىنىڭ اكىمى بولىپ تاعايىندالدى. بۇل قىزمەتتى وعان دەيىن التاي كولگىنوۆ اتقارىپ كەلگەن.
جەڭىس قاسىمبەك 1975 جىلى 7 مامىردا جامبىل وبلىسى شۋ قالاسىندا دۇنيەگە كەلگەن. قازاق مەملەكەتتىك ساۋلەت-قۇرىلىس اكادەمياسىن ارحيتەكتور-ديزاين ماماندىعى، ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىن "ەكونوميست-مەنەدجەر" ماماندىعى بويىنشا بىتىرگەن.
ەڭبەك جولىن "تەمىربانك" اشىق اكسيونەرلەر قوعامىندا باس بانكير قىزمەتىنەن باستاعان. بىرنەشە مينيسترلىكتى باسقارىپ، پرەمەر-مينيستردىڭ ورىنباسارى بولعان. بۇعان دەيىن قاراعاندى وبلىسىنا جەتەكشىلىك ەتكەن.
اكەسى ماحمۇد قاسىمبەكوۆ 90 جىلدارى پرەزيدەنت كەڭسەسىن باسقارعان. ءقازىر دە ەكس-پرەزيدەنت ن.نازاربايەۆتىڭ سەنىمدى تۇلعالارىنىڭ ءبىرى. "ەلباسى" كەڭسەسىن باسقارادى.
وسىلايشا الەۋمەتتىك جەلىدە كولگىنوۆ كەتىپ، ەلوردا باسشىلىعىنا قاسىمبەك كەلەدى دەگەن سىبىس راستالىپ وتىر.
پىكىر قالدىرۋ