قازاقتىڭ كورنەكتى مەملەكەت قايراتكەرى، ەكونوميست عالىم سەرىكبولسىن ءابدىلدين تۋرالى "ءتوراعا ءابدىلدين" اتتى دەرەكتى فيلم جارىق كوردى.
سەرىكبولسىن ءابدىلدين 80ء-ىنشى جىلداردان باستاپ نۇرسۇلتان نازاربايەۆپەن «يىق تىرەسە» جۇمىس ىستەگەن ساياساتكەر. وسى جىلدار ىشىندە ول ءوزىنىڭ پرەزيدەنت نازاربايەۆتى جاقسى ءتانىپ-بىلىپ العانىن ايتادى. ول ەكى عاسىر توعىسىندا قازاقستاننىڭ ساياسي ومىرىندە بولعان وزگەرىستەرگە ءبىر كىسىدەي كۋا بولىپ قانا قويماي، ەلدەگى ساياسي وقيعالارعا بەلسەندى ارالاسقان ادام. قازاقستان تاۋەلسىزدىگىن جاريالاعان كەزدە پرەزيدەنت نازاربايەۆپەن بىرگە جوعارعى بيلىكتە بولعان ساياساتكەر كەيىننەن پرەزيدەنتتىڭ ءسوزى مەن ءىسىنىڭ الشاقتاعانى جايىندا «اقيقات پەن اڭىز» كىتابىندا جان-جاقتى اڭگىمەلەيدى.
– وكىنىشكە قاراي، قازاقستان ءابدىلديننىڭ كونستيتۋسياسىمەن ەكى-اق جىل ءومىر ءسۇردى. ءبىز تۇسىرگەن فيلمدە كەيىپكەرىمىزدىڭ مەملەكەتتىك تىلگە كونستيتۋسيادان قالاي مارتەبە الىپ بەرگەنى جايلى دا ايتىلادى. ءابدىلدين ۇلكەن تۇلعا! ونىڭ ءار سالاداعى جولى سان تاراۋ. قال-قادىرىمىزشە، شامامىز جەتكەنشە فيلم تۇسىردىك. بۇعان دەيىن تۇسىرىلمەگەن ەكەن. قازاق كورنەكتى مەملەكەت قايراتكەرىن، ەكونوميست عالىم، ۇستاز ءابدىلديندى ۇمىتپاۋى ءتيىس! سەرىكبولسىن اقساقال باقيعا كەتكەنشە حالقىنا قىزمەت ەتكەن ۇلتىنىڭ ادال پەرزەنتى، – دەيدى دەرەكتى ءفيلمنىڭ اۆتورى قانات تىلەۋحان.
سەرىكبولسىن ءابدىلدين تۋرالى دەرەكتى ءفيلمنىڭ تۇساۋكەسەرى 15
جەلتوقسان كۇنى الماتى قالاسى ماركوۆ كوشەسى 44 مەكەنجايىندا ورنالاسقان «ترانسفورما» پلاتفورماسىندا
وتەدى.
پىكىر قالدىرۋ