ەلىمىزدە  العاش رەت جاساندى ۇرپاق ءوربىتۋ 1995 جىلى قولعا الىنىپ، 1996 جىلى دۇنيەگە قىز بالا كەلگەن بولاتىن. سودان بەرى قازاقستاندا مەملەكەتتىك، مەملەكەتتىك ەمەس 7-8 ورتالىق اشىلدى.  مۇندا اقىلى تۇردە ءارى اقىسىز (كۆوتا) تۇرىندە ەمدەلۋگە بولادى.  ال وسىنداي قانشاما شاڭىراقتىڭ قۋانىشىنا سەبەپ بولىپ، ەلىمىزدەگى ەڭ يگى ءىستى باستاعان جان سالتانات بايقوشقاروۆا.

سالتانات بايقوشقاروۆا "پروبيركادان" شىققان بالانىڭ تۇڭعىش قازاقستاندىق اۆتورى جانە قازاقستانداعى رەپرودۋكتولوگيانىڭ نەگىزىن قالاۋشى. رەپرودۋكتولوگيا جانە ەمبريولوگيا سالاسىنداعى تانىمال كوشباسشى مامان. سونداي-اق ول 1995 جىلدىڭ ساۋىرىندە بەكمۋسايەۆ قازاقستانداعى العاشقى "ەكومەد" ەكو ورتالىعىن تىركەپ، ءوز قاراجاتىنا ماسكەۋدەن قۇرال-جابدىقتاردى الىپ كەلدى.

30 جىلدان استام جۇمىس تاجىريبەسى ىشىندە 25 000-نان استام ەكو-نى ءساتتى وتكىزدى. ونىڭ كاسىبي قاتىسۋىمەن جانە ونىڭ باسشىلىعىمەن قازاقستاندا عانا ەمەس، الەمنىڭ 37 ءتۇرلى ەلىندە 30 مىڭعا جۋىق  بالا دۇنيەگە كەلدى.

ەسكە سالساق، «Qamshy.kz» اقپارات اگەنتتىگى 2017 جىلى «الاشوردا – 100 جىل» جالپىحالىقتىق شاراسىن وتكىزگەن ەدى. سوعان ساي عاسىرلىق مەرەيتويدى اتاپ وتۋگە ارنالعان «قامشىنىڭ» قورىتىندى ءىس-شاراسى «الاش ارىستارىنىڭ 100 ءىزباسارىن» انىقتاۋ ءۇشىن Elek.kz ساۋالنامالار سايتىندا مەملەكەتكە ايرىقشا قىزمەت ەتىپ جاتقان تۇلعالارعا حالىق داۋىس بەردى. داۋىس بەرۋشىلەر تەك داۋىس بەرۋمەن شەكتەلمەي الاشقا قىزمەت ەتىپ جۇرگەن تۇلعالاردى وزدەرى دە قوسۋ مۇمكىندىگىنە يە بولدى. 20 مىڭنان استام ادام قاتىسقان ساۋالناما ناتيجەسى بويىنشا سالتانات بايقوشقاروۆا «قامشى» پورتالى جاريالاعان «الاش ارىستارىنىڭ 100 ءىزباسارىنىڭ» تىزىمىنە كىردى.