وزبەكستاندا جۇمىسقا جاۋاپسىزدىق پەن سالعىرتتىق تانىتقانى ءۇشىن شارۋاشىلىق كەشەنىنىڭ ناقتى 297 باسشىسى جۇمىستان بوساتىلدى.
وزبەكستان پرەزيدەنتى شاۆكات ميرزيويەۆ ولاردىڭ ورنىنا زاماناۋي ويلاۋ قابىلەتى بار جاس ماماندار كەلەتىنىن ايتتى. ول كەيبىر شەنەۋنىكتەردىڭ ماحاللالارداعى (اۋىلدار مەن اۋداندار) كەدەيشىلىكتى ازايتۋعا شىنداپ كىرىسپەيتىنىن جەتكىزدى.
"قاتاڭ ەسكەرتەمىن: ەگەر باسشى ماحاللاعا بارىپ، ءبىزدىڭ ازاماتتار مەن كاسىپكەرلەردىڭ ماسەلەلەرىن شەشۋگە كىرىسپەسە، ول جۇمىس ىستەي المايدى. بارلىعى وزگەرۋى كەرەك. الەمدەگى ساياسي جانە ەكونوميكالىق جاعدايدىڭ ءسات وتكەن سايىن كۇردەلەنىپ، جاڭا قاۋىپ-قاتەرلەردىڭ تۋىنداپ جاتقانىن كورىپ وتىرسىزدار"، – دەدى پرەزيدەنت.
ميرزيەيەۆتىڭ ايتۋىنشا، باسشىلار "بۇل ۋاقىتشا، بىر-ەكى جىلدان كەيىن ءبارى وتەدى" دەگەن ويمەن ءومىر ءسۇرىپ جاتىر.
“ءبىراق ولاردىڭ ورنىن "جاڭا تاسىلدەردى ەنگىزۋگە جانە حالىقتىڭ سۇرانىسىن قاناعاتتاندىرۋعا دايىن" زاماناۋي ويلاۋ قابىلەتى بار جاس ماماندار باسىپ جاتىر. وزبەكستاندا 2025 جىلعا دەيىن 1،5 ميلليون ادام كەدەيشىلىكتەن قۇتىلۋى كەرەك”، – دەدى ميرزيويەۆ.
پىكىر قالدىرۋ