استاناداعى LRT قۇرىلىسىنا ۇلتتىق قوردان 50،4 ملرد تەڭگە بولىنگەنى راس پا؟ بۇل سۇراق ۇكىمەتتىڭ باسپا ءسوز بريفينگىندە كولىك ءمينيسترى مارات قارابايەۆقا قويىلدى.
بۇعان دەيىن ۇلتتىق ەكونوميكا ۆيسە-مينيسترى LRT قۇرىلىسىنا قاجەتتى قاراجاتتىڭ ءبىر بولىگى ۇلتتىق قوردان الىنعانىن مالىمدەگەن ەدى. وسىعان وراي، جۋرناليستەر: “نەگە بىردەن قور قاراجاتىنا جۇگىندىڭىزدەر؟ نەلىكتەن ينۆەستور تارتۋ قاراستىرىلمادى؟” دەپ سۇرادى.
مينيستر نە دەيدى؟
مينيستر مارات قارابايەۆتىڭ ايتۋىنشا، بيىل جوبانى اياقتاۋعا قوسىمشا قارجى بولىنگەن. الايدا ونىڭ ناقتى قاي كوزدەن الىنعانى جانە قانداي ينۆەستورلاردىڭ قاتىساتىنى تۋرالى شەشىمدەردى جەرگىلىكتى بيلىك قابىلداعان.
بۇل ماسەلەمەن تولىقتاي استانا قالاسىنىڭ اكىمدىگى اينالىستى. سوندىقتان قارجى كوزدەرىنە قاتىستى ناقتى اقپارات بەرە المايمىن. جالپى، قۇرىلىس جۇمىستارى مەن ونىڭ ىسكە قوسىلۋى اكىمدىكتىڭ قۇزىرىندا، – دەدى مينيستر.
دەگەنمەن، ول ۇلتتىق ەكونوميكا مينيسترلىگىنىڭ ۇلتتىق قوردان قارجى تارتىلعانى تۋرالى مالىمەتىن راستادى.
ءيا، قارجىنىڭ بەلگىلى ءبىر بولىگى ۇلتتىق قوردان ءبولىندى. ويتكەنى بۇل قاراجاتتى ءبولۋ ءبىزدىڭ مينيسترلىك ارقىلى جۇزەگە اسىرىلدى، – دەپ ءتۇسىندىردى مارات قارابايەۆ.
پىكىر قالدىرۋ