بۇگىن كاسىپقوي بوكستا سادريددين احمەدوۆ ءبىرىنشى ورتا سالماقتا WBC جاستار چەمپيونى اتاندى. ءوزىن «ناعىز قازاقپىن» دەپ ەسەپتەيتىن احمەدوۆ بوس تۇرعان بەلبەۋگە جەكپە-جەكتە مەكسيكالىق ابراحام حۋارەستەن ايلاسىن اسىردى. مىقتىنىڭ اتى مىقتى عوي، كانادانىڭ مونرەال قالاسىنداعى وتكەن كەزدەسۋ 10 راۋندقا جوسپارلانعان ەدى. ءبىراق جەڭىمپاز ءتورتىنشى راۋندتا انىقتالدى. مەكسيكالىق بوكسشى ەكى رەت نوكداۋنعا تۇسكەننەن كەيىن تورەشى كەزدەسۋدى توقتاتتى.
سادريددين احمەدوۆ وسىمەن كاسىپقوي بوكستاعى جەتىنشى كەزدەسۋىن وتكىزىپ وتىر. ول 2018 جىلى دەبيۋت جاساپ، قارسىلاسىن ءبارىن ۋاقىتىنان بۇرىن جەڭگەنى بەلگىلى.
♦«شويىن قولعاپ» سادريددين – ماۋلەت ءمۇستافيننىڭ شاكىرتى
ال اۋەسقوي بوكستا احمەدوۆ 2016 جىلى جاستار اراسىنداعى الەم چەمپيوناتىندا جەڭىمپاز بولعان. ونىڭ مۇددەسىن Eye of the Tiger Management اتتى كانادالىق پروموۋتەرلىك كومپانيا قورعايدى. سونىمەن كانادا جەرىندە وتكەن كەزدەسۋدە جەرلەسىمىز سادريددين احمەدوۆ تاعى دا مىقتىلىعىن كورسەتتى.
جاساعان بەرگەن، جۇرەگى "قازاق" دەپ سوققان باۋىر "جەڭىسىمدى قازاقتىڭ كوز جاسىنا ارنايمىن" دەدى". بۇدان ارتىق نە دەۋ كەرەك؟!
جەرلەسىمىزدى جەڭىسىمەن قۇتتىقتايمىز!
پىكىر قالدىرۋ