سەنات ءتوراعاسى قاسىم-جومارت توقايەۆ مەملەكەت اتاۋىن وزگەرتۋگە نەگىز جوق ەكەنىن مالىمدەدى، دەپ جازادى Qamshy.kz اقپارات اگەنتتىگى sputniknews.kz سايتىنىڭ مالىمەتىنە سۇيەنە وتىرىپ
وسى ۋاقىتقا دەيىن ءماجىلىس دەپۋتاتى ازات پەرۋاشيەۆ قازاقستان رەسپۋبليكاسىنىڭ اتاۋىن قازاق رەسپۋبليكاسى دەپ وزگەرتۋدى ۇسىنعان بولاتىن. ماجىلىسمەننىڭ ايتۋىنشا، بۇل يدەولوگيا تۇرعىسىنان تاريحي ادىلدىك ورناتۋدىڭ ءبىر جولى.
توقايەۆ بۇل ۇسىنىسپەن كەلىسپەي، ەلدە بۇدان دا وزەكتى ماسەلەلەر بار ەكەنىنە توقتالدى.
"قازاقستان رەسپۋبليكاسى دەگەن اتاۋ قالا بەرۋى ءتيىس. حالىقارالىق دەڭگەيدەگى كوپتەگەن كەلىسىمشارتقا ءبىزدىڭ پرەزيدەنت قازاقستان رەسپۋبليكاسىنىڭ اتىنان قول قويدى. ەلدىڭ اتاۋىن وزگەرتۋگە ەشقانداي نەگىز جوق. بىزدە بۇدان دا باسقا ماسەلەلەر جەتەدى"، — دەدى پالاتا سپيكەرى جۋرناليستەردىڭ سۇراعىنا جاۋاپ بەرىپ تۇرىپ.
قازاقستان اتاۋىن وزگەرتۋ تۋرالى ساۋال ءالى دە تالقىعا سالىنىپ كەلەدى. وسى ۋاقىتقا دەيىن رەسپۋبليكانىڭ اتاۋىن "قازاق ەلى" دەپ وزگەرتۋ ۇسىنىلعان بولاتىن.
ۇسىنعان: نازەركە لابيحان
پىكىر قالدىرۋ