ەلىمىزگە تانىمال اندەردىڭ اۆتورى، ءانشى گاۋحار الىمبەكوۆا 30 قاڭتاردا 6 جىلعا باس بوستاندىعىنان ايىرىلعان بولاتىن. بەلگىلى ايتىسكەر اقىن اينۇر تۇرسىنبايەۆا وسى ىسكە قاتىستى انشىگە قولداۋ ءبىلدىرىپ، ءوزىنىڭ پاراقشاسىندا گاۋحار الىمبەكوۆانى ونەر ءۇشىن جارالعان جاندى تۇرمەگە توعىتقان دۇرىس ەمەستىگىن ايتادى.

♦گاۋحار الىمبەكوۆانىڭ تاعدىرى: «مۋزارت» ساعان ايتام... تورەعالي مەن قايرات، سەن تىڭدا!

"دانىشپانسىپ ەشتەڭە دەمەي-اق قويايىن..ءبىراق ەل بولىپ، جۇرت بولىپ ونەر ءۇشىن جارالعان جۇرەكتى قاماتىپ تاستاپ قاراپ وتىرعانىمىز سۇيەگىمىزگە تاڭبا!!! بىلتىر تۇڭعىشباي، بيىل گاۋxار.. كەلەسى كىم؟! قۇربىسىن دا كىنالاعىم كەلمەيدى-اق. ءبىراق اللا رازىلىعى ءۇشىن كەشىرىپ جىبەرگەنىڭىزدە اللانىڭ شەكسىز نىعمەتىنە بولەنەر ەدىڭىز عوي، قاپ. نە بولدى ەندى؟! بالكىم ءبىر قورقىتىپ تا قويعىڭىز كەلگەن شىعار..گاۋxاردىڭ ءوزى دە بۇلاي بوپ كەتەدى دەپ ويلاماعان اۋ.
مۇقتار شاxانوۆتىڭ "اكە ۇكىمى" دەگەن ولەڭىن وقىڭىزدارشى. ماxامبەتتەي اقىندى ولتىرگەن جاۋىزعا ءوز تۋعان اكەسى ۇكىم شىعارىپ تۇرىپ ايتقان ءسوزى بار:
"اقىن دەگەن كيەلى اققۋ سامعاعان
ال، ەندەشە اققۋدى اتقان ادامدى،
قاي اتاڭنان كورىپ ەدىڭ وڭباعان؟!" اقشا جينالار..گاۋxار اپامىز بوستاندىققا شىعار.. ءبىراق ونەر ءۇشىن جارالعان نازىك جۇرەك بۇل سىناقتى كوتەرە الار ما ەكەن؟! مىناداي اۋەزدى اندەر ەندى ول جۇرەكتەن شىعار ما ەكەن؟ زاڭ بارىمىزگە بىردەي.. ءبىراق ەلدىڭ ەركەلەرىنە دەگەن قۇرمەت قايدا؟! قازاق ءان ونەرىنە سىزدەي ۇلەس قوسقان قىزدار از! مۇزارت "ءبىر تامشى كوزدىڭ جاسىنداي" دەپ ءان سالعاندا ءۇزىلىپ تىڭداعان جانكۇيەر جۇرت قايدا؟! قىزدىڭ قارعىسىنان قورقاتىن قابىرعالى قازاق قايدا؟! جاناشىر اعالار قايدا؟! وسىنشا قاتىگەزدىككە كىم ۇيرەتىپ جاتىر ءبىزدى؟! بۇل قازاق ونەرى ءۇشىن ەڭ قاسىرەتتى كۇن.. "ءبىر تامشى كوزدىڭ جاسىنداي" مولدىرەپ كەتە باردىڭىز اۋ جانىم اپكە.. جىلى توسەگىمىزدە جاتىپ جانىمىز اۋىرىپ جاتىر.. سۇپ-سۋىق قابىرعالاردىڭ اراسىندا جاۋراپ جاتقان شىعارسىز.. ءسال شىداڭىز..! حالىقتىڭ ەرەكشە ىستىق ىقىلاسىن سەزىنۋ ءۇشىن وسى سىناق كەرەك تە بولعان شىعار... "جاقسىلار جاقسىمىن دەپ ايتا المايدى..
جاماندار جاقسىمىن دەپ ايقايلايدى..
كۇندە كورىپ جۇرگەن سوڭ ءقادىرى جوق،
تاۋلاردىڭ بيىكتىگى بايقالمايدى..
ءبىزدىڭ ەل ءوز جاقسىسىن ءوزى ءولتىرىپ،
ارتىنان اسىن بەرىپ توي تويلايدى..."  - دەپ جازادى ايتىسكەر اقىن.

♦"گاۋھارداي اسىل قىزدارىمىزدى قورعاماساق، ادۆوكاتتىعىما سىن بولار..."

ەستەرىڭىزگە سالا كەتەيىك، گاۋحار الىمبەكوۆاعا قاتىستى سوت وتىرىسى ءوتىپ، سوت ءانشىنى 6 جىلعا باس بوستاندىعىنان ايىرۋ تۋرالى ۇكىم شىعارعان بولاتىن.

ۇسىنعان: نازەركە لابيحان