3-اقپاندا قازاقستاندىق جانىبەك ءالىمحان ۇلى مەن امەريكالىق ستيۆەن مارتينەس رينگتە كەزدەسەدى دەپ جازادى Qamshy.kz اقپارات اگەنتتىگى. وسىعان قاتىستى جانىبەك ءالىمحان ۇلى تاقىمىن قىسىپ، قولداۋ كورسەتكىسى كەلەتىن جانكۇيەرلەرىنا العىس ايتتى.
"جانىبەك حان — قازاق حاندىعىنىڭ نەگىزىن قالاعان حاننىڭ ءبىرى. ەڭسەلى ەل بولۋ جولىنداعى كەرەي مەن جانىبەكتىڭ ەڭبەگى تاريحتا التىن ارىپپەن جازۋلى. ۇلت ءۇشىن ولشەۋسىز ەڭبەك ەتتى. بىزگە دە ازان شاقىرىپ حان ەسىمى قويىلعان سوڭ، ءالسىز بولۋعا قۇقىعىمىز جوق. بابالارداي ۇلى ءىس اتقارا الماساق تا، تۋدى قۇلاتپاي، نامىستى بەرمەي جەڭىسپەن ەلدى قۋانتۋ نەگىزگى مىندەتىم دەپ ەسەپتەيمىن. تاقىمقىسار اعايىنعا مىڭ العىس. مۇحيتتىڭ ارعى بەتىندە جانكۇيەرلىكتەرىڭىزدى سەزىنىپ ءجۇرمىن. بەسىنشى جەكپە-جەككە دە از كۇن قالدى. جەكسەنبىدە امەريكالىقتارعا قازاق بوكس ءستيلىن كورسەتەمىز، بۇيىرتسا. جەڭىستە جۇزدەسەيىك. تۋ جەلبىرەسىن!"، دەپ جازدى سپورتشى ءوزىنىڭ Instagram پاراقشاسىنا.
ايتا كەتسەك، جەكپە-جەكتى تاڭعى 7:30-دا "QAZAQSTAN" ۇلتتىق تەلەارناسىندا تىكەلەي ەفيردەن كورسەتەدى.
پىكىر قالدىرۋ