باتىس قازاقستان وبلىسى يانايكينو اۋىلىنىڭ 16 جاستاعى تۇرعىنى رامزيا وتەپوۆا ماقساتىنا جەتۋ ءۇشىن 120 شاقىرىم جول جۇرۋگە ءماجبۇر دەپ جازادى Qamshy.kz اقپارات اگەنتتىگى uralskweek.kz سايتىنىڭ دەرەگىن نەگىزگە الىپ. ول ۆولەيبولدان جارىسقا دايىندالۋ ءۇشىن ءار جۇمىس كۇنى ورال قالاسىنا بارادى. قانداي اۋا-رايى بولسا دا 16 جاستاعى قىز جاتتىعۋدان قالعان جوق. قالا مەن اۋىل اراسى 60 شاقىرىم.
جەرگىلىكتى جۋرناليستەر ماقساتشىل قىز تۋرالى "گراسيا" ايەلدەر ۆولەيبول كومانداسىنىڭ باپكەرى كۋلەنكو گۋباشيەۆتەن سۇراپ كوردى.
"مەن ءارتۇرلى سپورتشىلاردى جاتتىقتىردىم. ولاردىڭ ءتارتىبى دە، ىنتاسى دا ءارتۇرلى بولدى. ءبىراق مۇنداي قىزدى مەن العاش رەت كورىپ تۇرمىن. رامزيانىڭ بۇل ارەكەتى اقىلعا سىيمايدى. ارينە جاقسى ماعىنادا ايتىپ وتىرمىن. بۇل سەكىلدى سپورتشىلار سپورتتا وتە جاقسى ناتيجە كورسەتەدى"، دەيدى باپكەر.
"مەن كاسىبي ۆولەيبولشى بولعىم كەلەدى. الەم چەمپيوناتىندا ويناپ، جەڭىسكە جەتكىم كەلەدى"، دەيدى رامزيا وتەپوۆا.
اۋدارعان: اسەل بولات قىزى
پىكىر قالدىرۋ