شەشەنستاندا 130 جاستاعى ۇزاق جاساعان اجە  قايتىس بولدى دەپ جازادى Qamshy.kz اقپارات اگەنتتىگى ria.ru سايتىنىڭ دەرەگىن نەگىزگە الىپ. بۇل تۋرالى كەيۋانانىڭ نەمەرەسى ءىلياس ابۋباكىروۆ حابارلادى. كوكا يستامبۋلوۆا ەڭ كارى ايەل رەتىندە  گيننەستەر رەكوردى كىتابىنا ەنبەگەن. الايدا زەينەتاقى قورى كوكا يستامبۋلوۆانىڭ 130 جاستا ەكەنىن راستادى. 

نەمەرەسىنىڭ ايتۋى بويىنشا، قارت ايەلدىڭ ەستە ساقتاۋ قابىلەتى وتە جاقسى بولىپتى. سونداي-اق ريەۆوليۋسياعا دەيىنگى وقيعالاردى ءجيى ەسكە الىپ وتىرعان. تەك سوڭعى كۇندەرى كورۋ قابىلەتىنەن ايىرىلىپ، قولىن قوزعالتا الماي قالعان.

"اجەم دەنساۋلىعىنا قاتىستى ەشقانداي شاعىم ايتپادى. بىزبەن كەشكى اس ىشكەن كەزدە اڭگىمە ايتىپ، ازىلدەسىپ وتىراتىن. كەيىن ونىڭ جاعدايى كۇرت تومەندەپ، كەۋدە تۇسىنىڭ اۋىرىپ تۇرعانىن ايتقان سوڭ جەدەل جاردەم شاقىردىق. دارىگەرلەر اجەمنىڭ قان قىسىمى كوتەرىلگەنىن ايتىپ، ءدارى ەكتى. از ۋاقىتتان سوڭ اجەم و دۇنيەلىك بولدى. ەش قينالمادى. تىنىش قانا دۇعاسىن ايتىپ ومىردەن ءوتتى"، دەيدى ءىلياس ابۋباكىروۆ. 

اۋدارعان: اسەل بولات قىزى