الەمدەگى جالعىز سىمسىز قاناينالىم قۇرىلعىسى 24 جاستاعى يسمايل تۇرسىنوۆتىڭ جۇرەگىنە ورناتىلدى، دەپ xابارلايدى Qamshy.kz اقپارات اگەنتتىگى.

«مەن ونى عارىشقا ۇشقان كوسموناۆتقا تەڭەيتىن ەدىم. سەبەبى وعان الەم بويىنشا العاش رەت يننوۆاسيالىق قۇرىلعىنى ورناتۋ وپەراسياسى جاسالدى. ناۋقاس بولىپ تۇسكەندە ول ءوز بولمەسىنەن شىعا المايتىن، قاتتى دەمىكپەسى بولدى. سول سەبەپتى ۇنەمى دارىگەرلەردىڭ باقىلاۋىندا ءجۇردى. ءقازىر جاعدايى جاقسى، دالادا قىدىرادى، سپورت زالىندا جاتتىعادى، ءتىپتى، باسسەينگە دە تۇسە الادى»، - دەدى «ۇلتتىق عىلىمي كارديوحيرۋرگيا ورتالىعى» اق باسقارما ءتوراعاسى يۋريي پيا ورتالىق كوممۋنيكاسيالار قىزمەتىندە.

جاڭا اپپاراتتىڭ باتارەياسى كەۋدەنىڭ ىشىندە سول جاقتا ورناتىلعان. ونى ارنايى بەلبەۋ ارقىلى ماگنيتتىك تولقىنمەن زاريادتايدى. ال ارنايى قولساعات جۇرەكتىڭ سوعۋىن، قاننىڭ قىسىمىن جانە تاعى باسقا مالىمەتتەردى كورسەتىپ تۇرادى. ال قاناينالىم قۇرىلعىسىن زاريادتاۋ وڭاي، ونىڭ قۋاتى 8 ساعاتقا جەتەدى.

يننوۆاسيالىق قۇرىلعى يزرايلدە جاسالعان. ونىڭ قىزمەتى كادىمگىدەي كارديوستيمۋلياتورمەن بىردەي.

«بۇرىن دەنەدەن سىم شىعاتىن جەردە باكتەريالار جينالاتىن، ول جەردى ۇنەمى ەمدەپ وتىرۋ قاجەت. ال جاڭا قۇرىلعىدا ونداي سىمدار جوق. ۇلكەن سومكەنى بىرگە الىپ ءجۇرۋدىڭ قاجەتى دە شامالى. ادام ەشبىر كەدەرگىسىز جۇرە الادى، دۋشقا تۇسە الادى جانە تاعىسىن تاعى. اتالعان اپپارات ادامنىڭ اعزاسىنا تولىعىمەن ورناتىلادى. سونىڭ ناتيجەسىندە ءومىر ءسۇرۋ ساپاسى دا جاقسارادى»، - دەپ اتاپ ءوتتى يۋ.پيا.

ونىڭ ايتۋىنشا، العاشقى وپەراسيادان كەيىن يسمايل تۇرسىنوۆ دارىگەرلەردىڭ باقىلاۋىندا بولادى. ءبارى ءساتتى بولسا، جاڭا تەxنولوگيانىڭ كۋالىگىن الۋ جوسپارلانعان. سودان كەيىن ونى تەگىن مەديسينالىق كومەكتىڭ ساناتىنا قوسۋعا بولادى. سول كەزدە يننوۆاسيالىق قۇرىلعىنى قازاقستاندىقتارعا تەگىن ورناتۋعا مۇمكىندىك بار.

ايتا كەتسەك، جەلتوقسان ايىندا الەمدەگى العاشقى سىمسىز قاناينالىم قۇرىلعىسىن ورناتۋ وپەراسياسىن قازاقستاندىق كارديوحيرۋرگتەر كومانداسى مەن چەحيا، يزرايل، يتاليا جانە اقش سەرىكتەستەرى بىرلەسىپ قازاقستاندا جاساعان بولاتىن.

ۇسىنعان: نازەركە لابيحان