***
قارتايعان ادامداردىڭ بارلىعى دا اقىلدى ەمەس شىعار، الدە تەك اقىلدىلار عانا قارتايا ما؟ قارتايعانداردىڭ ىشىندە كەزىندە ەكى العان، تالاي ادامدى رەنجىتكەن، تالايدىڭ كوڭىلىن قالدىرىپ، تالايدى جىلاتقان، وقىماعان، توقىماعان ادامدار دا بار ەمەس پە؟ بارلىق قارتايعاندار نە وزىڭنەن ۇلكەننىڭ بارلىعى الدىڭعى پارتادا وتىرعانداردان ەمەس قوي...مىسالعا. تۇسىنە الماي بارامىن ادامداردى... نە مەن توپاستانىپ بارامىن با... ن.ع.: ...قوعامدا بۇل جايتتىڭ بار ەكەنىن تاعى راس.
***
ويىم-وتكەنىم، ءارمانىم-ومىرىم، اكەم-جۇرەگىم، باۋىرلارىم-تىرەگىم، جۇمىسىم-قولعاناتىم، دەنساۋلىعىم-اماناتىم، يمانىم-بايلىعىم، ءبىلىمىم-دوسىم، اۋقاتىم-كۇشىم، تۇراعىم-پانام، دوستارىم-قاناتتارىم، قيالىم-بولاشاعىم... مەنەن اسقان باقىتتى جان جوق، ءسىرا... مىڭ دا ءبىر شۇكىر...
***
سەنىم جاقسى نارسە. سەنگىڭ كەلەدى. الدەكىمگە. انشەيىن دۇنيەنى. الايدا، بولمايدى. سەنىمىڭ اقتالماعاندا، ساۋساق تىستەپ قالماس ءۇشىن، ودان دا قۇپياڭدى، سىرىڭدى ىشتە ساقتاپ قالۋدى ارتىق كورەسىڭ. الدەكىمگە الدەبىر نارسەنى ايتپاس بۇرىن، سول ادامعا سەنىمسىزدىك تانىتىپ تۇراسىڭ، نە سول سەنىمسىزدىكتى سەنبەۋ ارقىلى، كۇمان ارقىلى ءوزىڭ بولدىراسىڭ، مەنىڭشە. بىلمەيمىن. مەن سەنبەيمىن بە، الدە ادامداردان سونشالىقتى سەنىم كەتكەن بە... الدە مەن ءوزىم سەنىمسىز اداممىن با... ۇعا المادىم... ايتەۋىر بىردەڭە جەتىسپەيدى...
***
مەن ومىردەن نە كورمەدىم! مەنەن اسقان سورلى ادام جوق شىعار!؟ نەگە بارلىق ساتسىزدىك پەن جاماندىق ماعان عانا ءتونىپ تۇرادى؟! نەگە جولىم بولمايدى؟! نەگە ىلعي وسىنداي؟! نەگە؟ نەگە؟؟؟ ءيا، كوپشىلىگىمىز ەگەر باسىما الدەبىر ءىس ءتۇسىپ، نە ويلاعانىمىز ىسكە اسپاي قالعاندا ءدال وسىلاي ويلايتىنىمىز راس. ءيا، راس! ءبىز سوندايمىز! كۇللى عالامنىڭ ساتسىزدىگى جالعىز بىزگە ءتونىپ، جالعىز ءبىز عانا قينالىپ جۇرگەندەيمىز. مەندە دە وسىنداي جاعداي بولىپ تۇرادى. سول كەزدە ءبىر اپايىمىزدىڭ ءسوزى تۇسەدى ەسكە. "كىم جەتىسىپ ءجۇر دەيسىڭ". ءيا! ءيا، كىم جەتىسىپ ءجۇر دەيسىڭ؟! اركىمگە وزىنە لايىقتى، ءوزى كوتەرە الاتىنداي قيىندىق بەرىلەدى. ەگەر وعان شاماڭ جەتپەسە، ساعان ول سىناق بەرىلمەس ەدى. قيىندىق، ساتسىزدىك، جاماندىق بار ما؟ دەمەك، سەن ءومىر ءسۇرىپ جاتىرسىڭ دەگەن ءسوز! ولاي بولسا، ومىردەگى سىناقتان سۇرىنبەي ءوتىپ، تيىسىنشە عۇمىر كەشۋدى ءناسىپ ەتسىن!
***
ءبارى جاقسى بولادى! وتىرىك! قاشان؟ قالاي؟ ەشتەڭە دە جاقسى بولمايدى! سەن جامان ويلاپ، وزىڭە، ىسىڭە سەنبەي، ەش ارەكەت قىلماي، "الما ءپىس، اۋزىما ءتۇس" دەپ نەمەسە ءبىر سىناققا بولا بارىنە قول سىلتەسەڭ، باسىڭا بۇيىرعان باقىتتى كورە الماساڭ، باردى ءقادىر تۇتىپ، قاناعات قىلماساڭ، جاقسى ويلاپ، جاقسىلىققا ۇمتىلماساڭ، جاڭبىردان كەيىن كەمپىرقوساق شىعاتىنىن بىلمەسەڭ، جىلدا ءتورت مەزگىل بارىن اڭعارماساڭ، تىرىسپاساڭ، تىراشتانباساڭ، ۇنەمى جىلامسىراپ، كۇلكىنى ۇمىتساڭ... جالپى، ءار كۇنىڭدى بەكەر وتكىزسەڭ.... وندا ەشتەڭە دە جاقسى بولمايدى! جاقسى بولادى دەپ تە كۇتپە! وزىڭە ءوزىڭ سەنبەسەڭ، جاقسىلىققا سەنبەسەڭ، باسقا بىرەۋدىڭ ساعان سەنگەنىنەن تۇك شىقپايدى... ءبارى ءوز قولىڭدا...
پىكىر قالدىرۋ