پولشانىڭ سۆەچە قالاسىندا لينگۆيستيكالىق-تەحنولوگيالىق ۋنيۆەرسيتەتتە سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتى دەلەگاسياسى جاستارعا ارنالعان «اباي» مءادەني-بىلىم بەرۋ ورتالىعىنىڭ اشىلۋىنا قاتىستى دەپ جازادى Qamshy.kz اقپارات اگەنتتىگى. 

جاستار جىلى اياسىندا س. امانجولوۆ اتىنداعى شقمۋ-دىڭ جاستار ورتالىعىن اشۋ يدەياسى قازاقستان رەسپۋبليكاسى ءبىلىم جانە عىلىم مينيسترلىگى، شىعىس قازاقستانوبلىسى اكىمدىگى، «نۇر وتان» پارتياسىنىڭ شىعىس قازاقستان وبلىستىق فيليالى تاراپىنان قولداۋ تاپتى.

 ورتالىقتى اشۋداعى باستى ماقسات - الەمگە قازاقستاندىق مادەنيەتتىڭ جەتىستىكتەرى تۋرالى بىلىمدەردى تانىتۋ بولىپ تابىلادى، – دەپ، س. امانجولوۆ اتىنداعى شقمۋ رەكتورى، پروفەسسور مۇحتارتولەگەن ءوزىنىڭ قۇتتىقتاۋ سوزىندە اتاپ ءوتتى.

ونىڭ ايتۋىنشا، قازىرگى الەمدەگى دامىعان بارلىق ەلدەر دە مادەنيەت سالاسىنداعى ساياساتتىڭ ءبىرى - وتانداستارىمىزدىڭ جەتىستىكتەرىن ناسيحاتتاۋ، قازاقستاننىڭ رەبرەندينگىمەن اينالىسۋى، باسقا  ەلدەردەگى ونىڭ ءيميدجىن كوتەرۋ ماسەلەسى كۇن تارتىبىندەگى ەڭ وزەكتى ماسەلە.

شىعىسقازاقستاندىق ۋنيۆەرسيتەتتە ابايتانۋدىڭ باي ءداستۇرى مەن قازاقستانعا تانىمال عالىم ايجان قارتايەۆانىڭ عىلىمي مەكتەبى بار، اباي اقىننىڭ ويلارىنا ارنالعان ابايتانۋ بويىنشا كونفەرەنسيالار ۇيىمداستىرىلۋدا، مونوگرافيالار مەن عىلىمي ماقالالار جاريالانۋدا.

سونىمەن قاتار، ورتالىقتا پولشا ۋنيۆەرسيتەتىمەن قول قويىلعان كەلىسىمدە ەكى ديپلومدىق ءبىلىم بەرۋ، وقىتۋشىلار مەن ستۋدەنتتەردىڭ اكادەميالىق الماسۋى، بىلىكتىلىكتى جوعارىلاتۋ مۇمكىندىكتەرى، عىلىمي تاعىلىمدامالار، ەكى ۋنيۆەرسيتەتتىڭ عالىمدارى بىرلەسكەن عىلىمي جوبالاردى جۇزەگە اسىرۋ جانە ت.ب. ماقساتتاردى كوزدەيدى.

پولياك ۋنيۆەرسيتەتىندە ورتالىقتى اشۋ ءۇشىن عيمارات ءبولىندى، ونىڭ كوركەمدەلۋى ءۇشىن قازاقستان تۋرالى پولياك، اعىلشىن، قازاق جانە ورىس تىلدەرىندە كىتاپتار بەرىلدى. سونىمەن قاتار قازاقستاندىق دەلەگاسيا ورتالىقتى مادەني قۇندىلىعى بار العاشقى جادىگەرلەرمەن، ياعني، پاۆلودارلىق ءمۇسىنشى داۋرەن دوشانوۆتىڭ «اباي» ءمۇسىنى مەن سۋرەتشى الىبەك شوقانوۆتىڭ «اباي» اتتى سۋرەتتەرىمەن تولىقتىرىلدى.

سەرىكتەس ۋنيۆەرسيتەتتىڭ رەكتورى ەلجبەتتا شتەرنالعا س.امانجولوۆ اتىنداعى شقمۋ رەكتورى مۇحتارتولەگەن «اباي» اتىنداعى مەدالدى تابىس ەتتى.

پولياك سەرىكتەستەردىڭ جاۋاپتى قادامى رەتىندە وسكەمەن قالاسىندا س. امانجولوۆ اتىنداعى شقمۋ بازاسىندا اتاقتى پولياك عالىمى، الەمگە ايگىلى استرونوم نيكولاي كوپەرنيكتىڭ اتىنا ءعىلىمي-بىلىم بەرۋ ورتالىعى اشىلادى.

ۇسىنعان:اسەل بولات قىزى