اۋدان اكىمىنىڭ ورىنباسارى ساكەن سۇلتانحانوۆ «اتامەكەن» ق ر ۇلتتىق كاسىپكەرلەر پالاتاسى ماقتاارال اۋداندىق فيليالىنىڭ جاڭادان تاعايىندالعان ديرەكتورى ءابدىرازاقوۆا نۇرگۇل پەردەبايقىزىن پالاتا ۇجىمى مەن اۋدان كاسىپكەرلەرىنە تانىستىردى دەپ جازادى Qamshy.kz اقپارات اگەنتتىگى ماقتاارال اۋدانى اكىمىنىڭ باسپا ءسوز قىزمەتىنىڭ دەرەگىن نەگىزگە الىپ. 

جاڭادان قۇرىلعان اۋداندا كاسىپكەرلەرگە جاعداي جاساپ، ونى وركەندەتۋ ەڭ باستى مىندەت بولعاندىقتان، جاڭا ديرەكتور بۇل جولدا بەلسەندى ەڭبەك ەتۋ كەرەكتىگىن اۋدان اكىمىنىڭ ورىنباسارى اتاپ ءوتتى.

«كەز كەلگەن اۋداننىڭ، ايماقتىڭ، ءتىپتى تۇتاس مەملەكەتتىك ەكونوميكالىق ءال-اۋقاتىن كوتەرەتىن – ول كاسىپكەرلىك سالاسى. جاڭادان قۇرىلعان اۋداندا كاسىپكەرلىك سالاسىن دامىتۋ ءۇشىن اۋدان اكىمى ب.اسانوۆتىڭ باستاماسىمەن كوپتەگەن ساۋدا ورتالىقتارى مەن نىساندار قۇرىلعالى وتىر. كاسىپكەرلەرگە قولداۋ كورسەتىپ، ولارعا باعىت-باعدار بەرىپ وتىرۋ – پالاتانىڭ باستى مىندەتى بولعاندىقتان، بۇل جولدا جاڭا باسشى بەلسەندى ەڭبەك ەتە ءبىلۋى كەرەك. سوندىقتان، جاڭا باستاعان قىزمەتىڭىز جەمىستى بولسىن دەپ تىلەيمىن!» - دەدى س.سۇلتانحانوۆ.

ن.ءابدىرازاقوۆا 1986 جىلى وزبەكستان رەسپۋبليكاسىنىڭ گاگارين قالاسىندا تۋىلعان. 2008 جىلى الماتى قالاسىنداعى ت.رىسقۇلوۆا اتىنداعى قازاق ەكونوميكالىق ۋنيۆەرسيتەتىن ءتامامداعان.

قازىرگى قىزمەتىنە تاعايىندالعانعا دەيىن «اتامەكەن» ق ر ۇلتتىق كاسىپكەرلەر پالاتاسى ماقتاارال اۋداندىق فيليالىندا مەنەدجەر-كەڭەسشى قىزمەتىن اتقارعان.