مينيستر الداعى ۋاقىتتا مەملەكەتتىك ساياساتتىڭ تيىمدىلىگىن ارتتىرۋ بويىنشا شارالار قابىلداناتىنىنا سەندىردى.

ەڭبەك جانە حالىقتى الەۋمەتتىك قورعاۋ ءمينيسترى مادينا ءابىلقاسىموۆا الەۋمەتتىك جەلىلەردە حالىقتىڭ "وتستاۆكاعا كەتسىن" دەگەن تالابىنا قاتىستى تۇسىنىكتەمە بەردى، دەپ حابارلايدى Qamshy.kz اقپارات اگەنتتىگى Sputnik قازاقستان سايتىنىڭ مالىمەتىنە سۇيەنە وتىرىپ.

جۋرناليستەر مينيستردەن وتستاۆكاعا كەتۋ تۋرالى سۇرادى.

-ەڭ كۇردەلى ماسەلەلەر ءبىزدىڭ مينيسترلىككە قارايتىندىقتان، سىندى دا ءجيى ەستيمىز. ەڭ باستىسى، ءبىز وسى سىننان وي ءتۇيىپ، قورىتىندى جاسايمىز، جاعدايدى جاقسارتۋعا تىرىسامىز. الداعى ۋاقىتتا مەملەكەتتىك ساياساتتىڭ تيىمدىلىگىن ارتتىرۋ بويىنشا شارالار قابىلدانادى، - دەپ سەندىردى ءابىلقاسىموۆا.

ايتۋىنشا، جەرگىلىكتى جەرلەردە جەدەل شتابتار قۇرىلىپ، ولار كوپبالالى وتباسىلاردىڭ نەگە مۇقتاج ەكەنىن انىقتاپ، ولاردان ۇسىنىستار جيناپ جاتىر.

-بارلىق ۇسىنىس جۇمىس توبىندا قارالادى. جۇمىس توبىنىڭ كەزەكتى وتىرىسى وسى بەيسەنبىدە وتەدى دەپ جوسپارلاندى. وعان جۇرتشىلىق وكىلدەرىن، ساراپشىلاردى شاقىرۋ ويىمىز بار. جۇمىس توبىندا الەۋمەتتىك قولداۋدى جاقسارتۋ مەن مەملەكەتتىك قولداۋعا مۇقتاج وتباسىلاردى قورعاۋعا قاتىستى كەشەندى شەشىمدەر ۇسىنىلادى دەگەن ويدامىن، - دەدى مينيستر.

ول قازىرگى تاڭدا ءارتۇرلى باعىت بويىنشا كوپتەگەن ۇسىنىس تۇسكەنىن اتاپ ءوتتى. ولار اتاۋلى الەۋمەتتىك كومەك كورسەتۋدى جاقسارتۋ، جاردەماقى مولشەرىن قايتا قاراستىرۋ، باسپانا قولجەتىمدىلىگى ماسەلەلەرى.

ء-تيىستى ەسەپتەۋلەر دايىندالىپ، اناليز جۇرگىزىلىپ جاتىر، بارلىعى جۇمىس توبىنا شىعارىلادى، - دەدى ءابىلقاسىموۆا.

ەستەرىڭىزگە سالا كەتەيىك، ءبىر وتباسىنداعى بەس بالانىڭ ءومىرىن جالماعان ءورت 4 اقپان كۇنى استانادا كوكتال-1 اۋدانىندا بولدى. ءاپالى-سىڭلىلى بەس قىز تۇندە ۇيدە جالعىز قالعان، اتا-اناسى جۇمىستا بولىپتى. ءورت سالدارىنان 2006، 2009، 2014، 2016 جانە 2018 جىلدارى تۋعان بەس بالا كوز جۇمدى.

ۇسىنعان: نازەركە لابيحان