ديماش اتاقتى موڭعول ءانشىسى تاڭىرمەن “Swan Goose” ءانىن ورىندادى دەپ جازادى Qamshy.kz اقپارات اگەنتتىگى.

موڭعولدىڭ حالىق ءانىنىڭ العاشقى شۋماعىن ول قازاق تىلىندە ايتتى. ديماش قاڭتار ايىندا "Jiangsu" سپۋتنيكتىك تەلەارناسىنداعى كوكتەمگى فەستيۆالدە ونەر كورسەتكەنى بەلگىلى. اتالمىش فەستيۆالدە ديماش اعىلشىن تىلىندەگى «Screaming» ءانىن ايتىپ، كوپشىلىكتى اۋزىنا قاراتتى. 

فەستيۆالدەگى ديماش پەن ءتاڭىردىڭ دۋەتى Youtube جەلىسىندە جاريالاندى. شەتەلدىكتەر ديماش پەن موڭعول ءانشىسىن بۇل دۋەتىن جىلى قابىلداپ، جوعارى باعالاۋدا. ولاردىڭ ەرەكشە داۋىسى بىر-بىرىمەن ۇيلەسىم تاۋىپ، وتە ءساتتى شىققان. 

ديماشتىڭ ءوزى بۇل كەشتەن ەرەكشە ءلاززات العانىن ايتتى.

"ساحنانىڭ بەزەندىرىلۋى مەن حالىقتىڭ ىقىلاسى تۋرالى اۋىز تولتىرىپ ايتۋعا بولادى. بۇل كەش 100 ەمەس، 200 پايىز جاقسى ءوتتى دەپ ايتا الامىن. ويىمنان شىقتى. ساحنانىڭ ءتورىن ۇسىنىپ، ىستىق ىقىلاسىن ءبىلدىرىپ جاتقان كورەرمەندەرگە العىس ايتامىن"، دەيدى ديماش. 

سونداي-اق ديماش تانىمال ءانشى تاڭىرمەن بىرگە ءبىر ساحنادا ونەر كورسەتۋدى ۇلكەن جەتىستىك دەپ باعالايتىنىن جەتكىزدى. 

ال ءتاڭىر بولسا، ديماشتىڭ ونەرىن جوعارى باعالايتىنىن جانە  قۇرمەتتەيتىنىن ايتىپ ءوتتى. 

ۇسىنعان: اسەل بولات قىزى