استانا قالاسىندا كوپ بالالى انالار اكىمشىلىك قىزمەتكەرلەرىنەن قازاق تىلىندە سويلەۋدى تالاپ ەتتى دەپ جازادى Qamshy.kz اقپارات اگەنتتىگى ازاتتىقتىڭ دەرەگىن نەگىزگە الىپ. 

استانا كونسەرتتىك زالىنىڭ فويەسىندە ءوتۋى ءتيىس "اشىق ەسىك اپتاسى" كەزىندە اكىم ورىنباسارى نۇرلان نۇركەنوۆ ءسوزىن ورىس تىلىندە باستادى. ءبىراق كوپبالالى انالار ونىڭ مەملەكەتتىك تىلدە سويلەۋىن تالاپ ەتتى.

♦"كوپ بالالى انالاردىڭ بالالارىن تەگىن كۋرسقا شاقىرامىن" (ۆيدەو)

نارازىلىق بىلدىرگەن ءبىر ادامنىڭ جاعدايى كۇرت ناشارلاپ، ونى دالاعا شىعارۋعا تۋرا كەلگەن. كونسەرت زالىنىڭ قىزمەتكەرلەرى حالىقتى بارىنشا تىنىشتىق ساقتاۋعا شاقىردى. الايدا ولارىنان تۇك شىقپاعان. 

استاناداعى كوپ بالالى انالار جيىنىنا قالا اكىمى باقىت سۇلتانوۆ كەلگەن. تاڭەرتەڭنەن بەرى “استانا” كونسەرت زالىنا جينالعان جۇزدەن استام ايەل الەۋمەتتىك ماسەلەلەرىن ايتىپ، قالا اكىمىنىڭ كەلۋىن تالاپ ەتكەن ەدى.

♦"بۇل ءبىر كۇندە شەشىلمەيدى": استانالىق كوپ بالالى انالار باقىت سۇلتانوۆقا تالاپ قويدى (ۆيدەو)

نارازى توپ الدىندا بىرنەشە مينۋت سويلەگەن باقىت سۇلتانوۆ اۋدان اكىمدىكتەرىنىڭ كوپ بالالى انالاردىڭ شاعىمدارىن جيناۋعا كىرىسكەنىن، مۇنداي شاعىمدار اراسىندا انالار بۇعان دەيىن ايتىپ كەلگەن جاردەماقى مولشەرىن كوبەيتۋ ماسەلەسى دە بارىن جەتكىزدى. اكىمنىڭ ايتۋىنشا، بۇل شاعىمدار ۇكىمەت جانىنان قۇرىلعان جۇمىس توبىنا تاپسىرىلادى.

ۇسىنعان: اسەل بولات قىزى