ۆەنەسۋەلا پرەزيدەنتى نيكولاس مادۋرو برازيليا ەلىمەن ەكى ورتاداعى شەكارانى جاباتىنىن مالىمدەدى. ول تۋرالى پرەزيدەنت 21 اقپان كۇنى تىكەلەي ەفيردە ايتىپ ءوتتى.

ەكى ەلدىڭ شەكاراسىن جابۋعا باستى سەبەپ – ەلدىڭ تىنىشتىعى مەن بەرەكەسى.

بۇعان دەيىن برازيليا پرەزيدەنتىنىڭ  باسپا ءسوز حاتشىسى وتاۆيۋ سانتانا دۋ رەگۋ باررۋس وتا ۇكىمەتباسىنىڭ ۆەنەسۋەلا ەلىنە ارنايى توپ جاساقتاپ، گۋمانيتارلىق كومەك كورسەتۋگە دايىندالىپ جاتقانىن مالىمدەگەنى بەلگىلى. سونىمەن قاتار، ۆەنەسۋەلا ەلىنىڭ وپپوزيسيا وكىلدەرىنىڭ سۇراۋى بويىنشا ەلگە گۋمانيتارلىق كومەك كورسەتۋگە بىرنەشە ەل دايىن ەكەنىن ايتقان بولاتىن.

ءوز كەزەگىندە نيكولاس مادۋرو ەلگە جان-جاقتان بەرىلەتىن گۋمانيتارلىق كومەكتى قابىلداي المايتىنىن جانە مۇنى “وليگارحتاردىڭ ارزان شوۋى”دەپ قابىلدايتىنىن جەتكىزدى.

ازىرگە برازيليا ەلىمەن شەكارا قىزمەتىن توقتاتقان نيكولاس مادۋرو كولۋمبيامەن شەكاراسىن تولىق جاباتىنىن اشىق ايتپادى. ءالى دە ويلانۋ ۇستىندە ەكەندىگىن حابارلادى.

                                                                                                     اۋدارعان: اسەم مەرەكە قىزى