ەگەر نارىقتان ءۇي العاندا «7-20-25» قاتىسۋشىلارى پاتەردى قۇرىلىس كومپانيالارىنىڭ ساتۋ بولىمدەرى ارقىلى تاڭداسا، مەملەكەتتىك تۇرعىن ءۇيدى العان كەزدە پاتەرلەر تۋرالى اقپاراتتى جەرگىلىكتى اكىمدىكتەردەن ناقتىلاۋ قاجەت. بۇل تۋرالى Qamshy.kz اقپارات اگەنتتىگى «باسپانا» يپوتەكالىق ۇيىمىنىڭ دەرەگىنە سۇيەنىپ حابارلايدى. 

بۇعان دەيىن «نۇرلى جەر» باعدارلاماسى بويىنشا تۇرعىن ۇيلەر اكىمدىكتەردە كەزەكتە تۇرعاندار مەن تۇرعىن ءۇي قۇرىلىس جيناق بانكىنىڭ سالىمشىلارى اراسىندا ءبولىنىپ كەلگەن ەدى. ەندى، تۇرعىن ۇيلەردى وتكىزۋ قاعيدالارىنا وزگەرىستەر ەنگىزۋگە بايلانىستى جىل باسىنان «نۇرلى جەر» باعدارلاماسى بويىنشا بەرىلەتىن تۇرعىن ۇيگە «7-20-25» باعدارلاماسىنا قاتىسۋشىلار دا قول جەتكىزەتىن بولدى. سوڭعى 5 جىلدا ازاماتتىڭ باسىندا ءۇيدىڭ بولماۋى جانە جيناقتالعان دەپوزيت سىندى ەشقانداي تالاپتار جوق. قاعيدالارعا سايكەس اكىمدىكتەر پاتەرلەر تۋرالى حابارلاندىرۋدى تۇرعىن ءۇي پايدالانۋعا بەرىلگەننەن كەيىن وزدەرىنىڭ ينتەرنەت-رەسۋرستارىندا جاريالايتىن بولادى.

«نۇرلى جەر» باعدارلاماسى بويىنشا پاتەردىڭ جالپى اۋماعى 80 شارشى مەتردەن اسپاۋعا ءتيىس. وسىعان بايلانىستى، كوبىنەسە 1-2-3-بولمەلى پاتەرلەر سالىنادى.

اكىمدىكتەر ارقىلى قولجەتىمدى پاتەردى «7-20-25» ارقىلى ساتىپ الار جاعدايىنداعى اي سايىنعى تولەمدەردىڭ بولجامدى ەسەبى مىناداي:

ۇسىنعان: گۇلىم جاقان