بۇگىن استانادا ەلباسى نۇرسۇلتان نازاربايەۆتىڭ قاتىسۋىمەن پارلامەنت ءماجىلىسىنىڭ پلەنارلىق وتىرىسى باستالدى، دەپ حابارلايدى Qamshy.kz اقپارات اگەنتتىگى اقوردانىڭ تۆيتتەردەگى پاراقشاسىنا سىلتەمە جاساپ.
وتىرىستى اشقان مەملەكەت باسشىسى ۇكىمەتتىڭ حالىق الدىنداعى جاۋاپكەرشىلىگى جايلى ايتتى. ءارى پارلامەنتتىڭ قاراۋىنا پرەمەر-مينيستر لاۋازىمىنا اسقار ماميندى ۇسىندى.
"ۇكىمەت حالىق الدىنداعى بار مىندەتىن ناقتى ورىنداۋ ءۇشىن بار مۇمكىندىككە يە. جاۋاپكەرشىلىكتى سەزىنە ءبىلۋ كەرەك"، - دەدى نازاربايەۆ ءوز سوزىندە.
ايتا كەتەيىك، نۇرسۇلتان نازاربايەۆ اقپاننىڭ 21ء-ى ۇكىمەتتى وتستاۆكاعا جىبەرۋ تۋرالى شەشىم قابىلداعان ەدى.
ۇسىنعان: گۇلىم جاقان
